އދ. ދަނގެތި ބަނދަރު ބޮޑުކުރުމުގެ މަޝްރޫޢުގެ ދަށުން، ޓީ-ޖެޓީ ސަރަހައްދުގެ ބެއިސިން ފުންކުރުމުގެ މަސައްކަތް ކުރަމުން އަންނަ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ، (އެމް.ޓީ.ސީ.ސީ)އިން ބުނެފި އެވެ.

އެމްޓީސީސީއިން ބުނީ، މީގެ އިތުރުން ކުއޭ ވޯލް ބްލޮކް ބެހެއްޓުމުގެ މަސައްކަތްތައްވެސް ކުރަމުން އަންނަ ކަމަށެވެ.
މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:

69،500 ކިއުބިކް މީޓަރުގެ ސަރަޙަައްދެއްގެ ބަނދަރު ފުންކުރުން
33،600 ކިއުބިކް މީޓަރުގެ ސަރަހައްދުގެ ނެރު ފުންކުރުން
7،800 ކިއުބިކް މީޓަރުގެ ފަތާ ސަރަހައްދެއް ފުންކުރުން
675 މީޓަރުގެ ސަރަހައްދެއްގައި ރިވެޓްމެންޓް ޖެހުން
389 މީޓަރުގެ ސަރަހައްދެއްގައި އެއްގަމު ތޮށިލުން
35 މީޓަރުގެ ދިގު ހަ މީޓަރު ފުޅާ ކޮންކްރީޓް ބްރިޖެއް ހެދުން
11 މީޓަރު ދިގު 11 މީޓަރު ފުޅާ ކޮންކްރީޓް ރޭމްޕެއް ހެދުން
3،052 އަކަ މީޓަރުގެ ޕޭވްމެންޓްއެއް ހެދުން
މީގެ އިތުރުން މަގު ބައްތިއާއި ބަނދަރު ބައްތި ހަރުކުރުން ހިމެނެ އެވެ.

ދަނގެތީ ބަނދަރު ތަރައްޤީކުރުމަށް އެމްޓީސީސީއާ ހަވަލުކޮށްފައި ވަނީ 2024 ވަނަ އަހަރު ސެޕްޓެމްބަރު މަހު، 71.16 މިލިއަން ރުފިޔާއަށެވެ.