ރަށްރަށުގައި ދަނޑުވެރިކަން ކުރާ ސަރަޙައްދުތަކަށް ފަސޭހަކަމާއެކު ކަރަންޓާއި ފެން ލިބޭނެ އިންތިޒާމު ހަމަޖެއްސުމަށް ދަނޑުވެރިކަމާ ބެހޭ މިނިސްޓްރީން ފެނަކަ ކޯޕަރޭޝަނާއެކު މަޝްވަރާކޮށްފިއެވެ.
މި ބައްދަލުކުރެއްވުމުގައި ދަނޑުވެރިކަމާ ބެހޭ ވަޒީރު ޑރ. މަރިޔަމް މާރިޔާ އަދި ފެނަކަ ކޯޕަރޭޝަންގެ މެނޭޖިންގ ޑިރެކްޓަރު މުޙައްމަދު ނަޖާހު ބައިވެރިވެވަޑައިގެންނެވިއެވެ.
މި ބައްދަލުކުރެއްވުމުގައި ދަނޑުވެރިކަން ކުރާ ރަށްރަށުގެ ދަނޑު ބިންތަކަށް ބޭނުންވާ ކަރަންޓާއި ފެނުގެ ޚިދުމަތް ފެނަކައާ ގުޅިގެން ފަސޭހަކަމާއެކު ލިބޭނެ އިންތިޒާމުތައް ހަމަޖެއްސުމާ ގުޅޭގޮތުން ވަނީ މަޝްވަރާކުރައްވާފައެވެ.
ރާއްޖޭގެ ރަށްރަށުގައި ދަނޑު ހެއްދުމަށް ދޫކުރާ ސަރަޙައްދުތަކަކީ އާންމުގޮތެއްގައި މިހުން ދިރިއުޅޭ ސަރަޙައްދާ ދުރުން، ބިން ދޫކޮށްގެން އެ މަސައްކަތްކުރާ ސަރަޙައްދުތަކަށް ވުމުން ދަނޑުތަކަށް ފެން ހޯދަނީ، އަމިއްލައަށް ވަޅު ކޮނެ ޕަމްޕް ބަހައްޓައިގެނެވެ. މިއީ ދަނޑުވެރިކަން ކުރުމަށް އޮތް ވަރަށް ބޮޑު ދައްޗެކެވެ.
ކިޔުންތެރިންގެ ހިޔާލު