ގައުމީ އެއާލައިން، މޯލްޑިވިއަނުން، ބަންގުލަދޭޝްގެ ވެރިރަށް ޑާކާއަށް އަލުން ދަތުރު ފެށުމަށް ނިންމައިފިއެވެ.
މޯލްޑިވިއަނުން ބުނީ އެ ދަތުރުތައް ފެށުމަށް ހަމަޖެހިފައިވަނީ އަންނަ މާޗު މަހުގެ 12 ވަނަ ދުވަހު ކަމަށެވެ.
މޯލްޑިވިއަނުން ބުނީ ހަފުތާގެ ބުރާސްފަތި އަދި އާދީއްތަ ދުވަހު ބާއްވާ އެ ދަތުރުގެ ދެކޮޅުގެ ޓިކެޓުގެ ފެށޭ އަގަކީ 399 ޑޮލަރު ކަމަށެވެ. ކޮންމެ ޕަސެންޖަރަކަށް 30 ކިލޯގެ ބެގޭޖް އެލެވެންސް ވެސް ލިބޭނެ ކަމަށް މޯލްޑިވިއަނުން ބުންޏެވެ.
ޑާކާއަށް ކުރާ ދަތުރުތަކަށް ޓިކެޓު ބުކް ކުރުމުގެ ފުރުސަތު މިހާރު ހުޅުވާލާފައިވާ ކަމަށް މޯލްޑިވިއަނުން ބުންޏެވެ. ޕަސެންޖަރުންނަށް ފުލައިޓުގެ ތެރޭގައި ކެއުމުގެ ހިދުމަތްވެސް ލިބޭނެ ކަމަށެވެ.
މޯލްޑިވިއަނުން ބުނީ އެ ދަތުރުތައް އަލުން ފެށުމުގެ އުފަލުގައި، މި މަހުގެ ނުވަވަނަ ދުވަހުގައި “ޑާކާ ވީ ހާޑް ޔޫ” ގެ ނަމުގައި މިއުޒިކް ފެސްޓިވަލެއް ބޭއްވުމަށް ނިންމާފައިވާ ކަމަށާއި އެ ހަރަކާތަކީ ދެ ގައުމުގެ ދެމެދުގައި އޮތް ސަގާފީ ގުޅުން ރަމްޒުކޮށްދޭ ހަރަކާތެއް ކަމަށެވެ.
ކިޔުންތެރިންގެ ހިޔާލު