މެރަނާ ސްކީމްގެ ދަށުން ފިލިޕީންސްގައި ދިރިއުޅޭ ދިވެހި ރައްޔިތުންނަށް މާދަމާއިން ފެށިގެން ބޭސްފަރުވާ ކުރެވޭނެ އިންތިޒާމު ހަމަޖައްސައިފިއެވެ.

“މެރަނާ” ސްކީމަކީ ސްރީލަންކާ، އިންޑިއާ އަދި މެލޭޝިއާގައި ދިރިއުޅޭ ދިވެހިންނަށް އާސަންދަ ސްކީމްގެ ދަށުން ބޭސްފަރުވާ ދިނުމަށް ކުރިއަށް ގެންދާ ސްކީމެކެވެ.

މެރަނާ ސްކީމްގެ ދަށުން ފިލިޕީންސްގައި ދިރިއުޅޭ ދިވެހީންނަށް ބޭސްފަރުވާއަށް ހިނގާ ޚަރަދުގެ 65 ޕަސެންޓާ ހަމައަށް އާސަންދައިގެ ދަށުން މާދަމާ އިން ފެށިގެން ހަމަޖައްސައިދޭނެ ކަމަށް އެންސްޕާ އިން ބުންޏެވެ.

މިއަދު ބޭއްވި ރަސްމިއްޔާތުގައި އެ ޚިދުމަތް ރަސްމީކޮށް ފައްޓަވައިދެއްވީ ސޯޝަލް އެންޑް ފެމިލީ މިނިސްޓަރު ޑރ. އައިޝަތު ޝިހާމެވެ.

ފިލިޕީންސަކީ ޑޮކްޓަރުކަން ހިމެނޭހެން އެކި ދާއިރާތަކުން ދިވެހީން މަތީތައުލީމު ހާސިލުކުރާ ގައުމެކެވެ.