ރާއްޖެއަށް ދިމާވެފައިވާ ބޯހިޔާވަހިކަމަށް ބޮޑު ހައްލެއް ގެނައުމަށް ރަސްމާލެގެ ނަމުގައި ތަރައްގީކުރަން ނިންމާފައިވާ ކ. ފުށިދިއްގަރުފަޅު ހިއްކުމުގެ މަޝްރޫއުގެ 30 ޕަސެންޓް މަސައްކަތް ނިމިއްޖެއެވެ.
އެމްއޭސީއެލް އިން ބުނީ ރަސްމާލޭގެ ސައިޓު “އޭ”ގައި ހިއްކުމަށް ހަމަޖެހިފައިވާ 137.5 ހެކްޓަރުގެ ތެރެއިން 41 ހެކްޓަރުގެ ބިން ހިއްކައި ނިމިފައިވާ ކަމަށެވެ.
ރަސްމާލެ ހިއްކުމުގެ މަސައްކަތް އަވަސްކުރުމަށްޓަކައި ބޭނުންކުރަނީ ދުނިޔޭގެ އެންމެ ބޮޑު އެއް ޑްރެޖަރު ކަމަށްވާ ‘ކްރިސްޓަބެލް ކޮލޯން’ އެވެ. ‘ކްރިސްޓަބެލް ކޮލޯން’ ގެނެސްގެން މަސައްކަތްކުރަން ފެށުމުން ރަސްމާލެ ހިއްކުމުގެ މަސައްކަތް ތިން ގުނަ ހަލުވިވާނެ ކަމަށް ރައީސް ޑރ. މުހައްމަދު މުއިއްޒު ވަނީ ވިދާޅުވެފައެވެ.
Rasmale’ Land Reclamation Project Update:
41 hectares have been successfully reclaimed, representing 30% overall progress. Reclamation works at Rasmale’ Site A commenced on 1 December 2025. The works are being carried out using Cristóbal Colón, one of the world’s largest Trailer… pic.twitter.com/W7OTtKJH7x
— Maldives Airports Company Ltd (@MACLmedia) December 24, 2025
ރައީސް މުއިއްޒު ނިންމަވާފައި ވަނީ ރަސްމާލެއަކީ 100 ޕަސެންޓު ނެޓް ޒީރޯ ކާބަން، ސްމާޓް އިކޯ ސިޓީއެއްގެ ގޮތުގައި ތަރައްގީ ކުރުމަށެވެ. އަދި، އެއީ ރާއްޖޭގެ އެންމެ ބޮޑު ކްލައިމެޓް އެޑޭޕްޓޭޝަން މަޝްރޫއަށް ވާނެ ކަމަށް ވެސް އެމަނިކުފާނު ވަނީ ވިދާޅުވެފައެވެ.
ރަސްމާލެއިން 25،000 ގޯތި އަންނަ އަހަރުގެ ތެރޭގައި ދޫކުރާނެ ކަމަށް ރައީސް މުއިއްޒު ވިދާޅުވިއެވެ. އެ ގޯތިތައް ދޭނީ މާލޭގައި ދިރިއުޅޭ އަތޮޅުތަކުގެ ރައްޔިތުންނަށް ކަމަށް ވެސް އެމަނިކުފާނު ވަނީ ވިދާޅުވެފައެވެ.
ކިޔުންތެރިންގެ ހިޔާލު