އިދިކޮޅު އެމްޑީޕީގެ ވަގުތީ ޗެއާޕާސަންގެ މަގާމަށް ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ މިރޭ އިންތިޚާބުކޮށްފިއެވެ.
މިރޭ ބޭއްވި އެ ޕާޓީގެ ގައުމީ މަޖިލީހުގެ ޖަލްސާގައި އެ މަގާމަށް ޣަފޫރު އިންތިހާބު ކުރީ ވޯޓުގައި ބައިވެރިވި 66 މެންބަރުންގެ ތެރެއިން 65 މެންބަރުންގެ ވޯޓާއެކު އެވެ.
މަގާމާ ހަވާލުވެވަޑައިގަތުމަށްފަހު ޣަފޫރު ވަނީ އޭނާ އެ މަގާމަށް ގެންނަން ވޯޓުދެއވި ގައުމީ މަޖިލީހުގެ އެންމެހައި މެންބަރުންނަށް ޝުކުރު ދަންނަވާފައެވެ.
މީގެއިތުރުން ކުރިން ޗެއާޕާސަނެއްގެ މަގާމު ފުރުއްވަމުން ގެންދެވި ފައްޔާޒު އިސްމާއީލް އެ މަގާމުގައި ހުންނަވައި ޕާޓީއަށް ކޮށްދެއްވި ހިދުމަތަށްޓަކައި ހުރިހާ ބޭފުޅުންގެ ނަމުގައި ޝުކުރު އޭނާ ޝުކުރު އަދާކުރެއްވި އެވެ.
ޣަފޫރު އަކީ މިވަގުތު އެމްޑީޕީގެ ޕީޖީ ގްރޫޕުގައި ހުންނެވި އެންމެ ގިނަ ދުވަސްވީ މެންބަރެވެ.
އެމްޑީޕީގެ ވަގުތީ ޗެއާޕާސަން ކަމަށް ބޭފުޅަކު އިންތިޚާބުކުރަން މީގެކުރިން ބޭއްވި ޖަލްސާގައި އެކަން ކުރިއަށްނުގެންދެވި ވަނީ ހޫނުވެފައެވެ.
ކިޔުންތެރިންގެ ހިޔާލު