ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، 2025 ނޮވެމްބަރު 25 ވާ އަންގާރަ ދުވަހުގެރޭ މާލޭ މައްޗަންގޮޅީ ރައްޔިތުންނާ ބައްދަލުކުރެއްވުމަށް ހަމަޖެހިއްޖެއެވެ.
މިކަން ހާމަކުރައްވަމުން ރައީސުލްޖުމްހޫރިއްޔާގެ ތަރުޖަމާނު ހީނާ ވަލީދު ކުރެއްވި ޓުވީޓެއްގައި ވިދާޅުވީ، ރައްޔިތުންނާ ގާތުން ބައްދަލުކުރައްވައި އެކި ކަންކަމުގައި ރައްޔިތުންގެ ޚިޔާލާއި މަޝްވަރާ ހޯއްދެވުމަށް، މާލޭގައި ދިރިއުޅުއްވާ ރައްޔިތުންނާ ބައްދަލުކުރެއްވުމަށް ރައީސް ބާއްވަވާ ބައްދަލުވުންތަކުގެ ތެރެއިން މައްޗަންގޮޅީ ރައްޔިތުންނާ ބައްދަލުކުރެއްވުމަށް ބޭއްވޭ ބައްދަލުވުން އަންގާރަ ދުވަަހުގެރޭ 20:30 ގައި އަމީނިއްޔާ ސްކޫލްގައި އޮންނާނެ ކަމަށެވެ.
ރައްޔިތުންނާ ގާތުން ބައްދަލުކުރައްވައި އެކި ކަންކަމުގައި ރައްޔިތުންގެ ޚިޔާލާއި މަޝްވަރާ ހޯއްދެވުމަށް، މާލޭގައި ދިރިއުޅުއްވާ ރައްޔިތުންނާ ބައްދަލުކުރެއްވުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ބާއްވަވާ ބައްދަލުވުންތަކުގެ ތެރެއިން މައްޗަންގޮޅީ ރައްޔިތުންނާ…
Advertisement— Heena Waleed (@MvSpokesperson) November 24, 2025
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެމިހުންނެވީ ރައްޔިތުންނާ ގާތުން ގުޅުން ބަދަހިކުރައްވައި، ރައްޔިތުންގެ ޝުޢޫރުތަކަށް ސަމާލުކަން ދެއްވުމަށެވެ. މި ބައްދަލުވުމަކީ އެމަނިކުފާނުގެ ވެރިކަމުގައި ރައްޔިތުންނާ ބައްދަލުކުރައްވައި، ސަރުކާރުގެ ސިޔާސަތުތަކާއި ގައުމީ މައްސަލަތަކުގައި ރައްޔިތުންގެ ހިޔާލު ހޯއްދެވުމަށް ކުރައްވާ މަސައްކަތްޕުޅުގެ ބައެކެވެ. މިގޮތުން، މާލޭގެ ދާއިރާތަކުގެ ރައްޔިތުންނާ ބައްދަލުކުރެއްވުމުގެ ސިލްސިލާއެއްގެ ދަށުން، މައްޗަންގޮޅި ދާއިރާގެ ރައްޔިތުންނާ ބައްދަލުކުރެއްވުމަށް މި ބައްދަލުވުން ބާއްވަނީއެވެ.
ވީމާ، މައްޗަންގޮޅީގައި ދިރިއުޅުއްވާ ހުރިހާ ރައްޔިތުންނަށް މި ބައްދަލުވުމުގެ ދަޢުވަތު އަރުވަެއެވެ. މި ބައްދަލުވުމުގައި ބައިވެރިވެ، ރައީސުލްޖުމްހޫރިއްޔާއާ ސީދާ ބައްދަލުކޮށް، މައްޗަންގޮޅިއަށް ކުރިމަތިވެފައިވާ ކަންކަމާއި، އެހެނިހެން ގައުމީ މައްސަލަތަކުގައި ހިޔާލު ހިއްސާކުރުމުގެ ފުރުސަތު ރައްޔިތުންނަށް ލިބިގެންދާނެއެވެ.
ކިޔުންތެރިންގެ ހިޔާލު