މަސްތުވާތަކެތީގެ މައްސަލައެއްގައި ހުޅުމާލެ ފޭސް އެކަކުން އިއްޔެ މީހަކު ހައްޔަރުކޮށްފިއެވެ.
މި މައްސަލަ އާ ގުޅިގެން ހައްޔަރުކޮށްފައި ވަނީ އުމުރުން 18 އަހަރުގެ ނ.މަނަދޫ / ރޯޝަނީގެ ، ޙަސަން ނާޙިލްއެވެ.
ފުލުހުން ބުނީ، އިއްޔެ ހުޅުމާލެތެރެ ޕެޓްރޯލްކުރަން އުޅުނު ފުލުހުން ފެނުމުން ނާހިލް އަތުގައި އެއްޗެއް ފޮރުވަން މަސައްކަތްކުރާކަމަށް ފުލުހުންނަށް ފާހަގަކުރެވުން ކަމަށެވެ. އެހެންކަމުން މަޑުކުރަން އެންގުމުން މަޑުނުކޮށް އޭނާ ދިޔަކަމަށާއި އޭނާ ހައްޔަރުކުރީ ނިރޮޅު މަގު ބަސް ސްޓޮޕެއް ކައިރިން ކަމަށް ފުލުހުން ބުންޏެވެ.
ބަސްޓޮޕް ކައިރިން އޭނާ ހުއްޓުވައި ބަލައިފާސްކުރިއިރު މަސްތުވާތަކެތިކަމަށް ޝައްކުކުރެވޭ އެއްޗެއްހުރި ފިލްމު ހުސްކުރި ދަޅެއް ފެނިފައިވާ ކަމަށާއި މިތަކެތީގެ ބަރުދަނުގައި 31.23 ގްރާމް ހުރިކަމަށް ފުލުހުން ބުންޏެވެ.
މި މައްސަލައާ ގުޅިގެން ހައްޔަރުކޮށްފައިވާ، ނާހިލްގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 30 ދުވަހުގެ މުއްދަތަށް ބަންދުކުރުމަށް ވަނީ އަމުރު ކޮށްފައެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
ކިޔުންތެރިންގެ ހިޔާލު