ކަރަންޓުގެ ޚިދުމަތް ޒަމާނީ ފެންވަރަށް އިތުރަށް ތަރައްގީ ކުރުމަށްޓަކައި ސްޓެލްކޯއިން އއ. އުކުޅަހަށް 1000 ކިލޯވޮޓްގެ އިތުރު ޖެންސެޓެއް ފޮނުވައިފިއެވެ.
ސްޓެލްކޯއިން ބުނީ ލޯކަލް ޓުއަރިޒަމްގެ ދާއިރާއިންނާއި، އުމްރާނީ ގޮތުން. އުކުޅަހަށް އަންނަމުންދާ ތަރައްގީއާ ގުޅިގެން، ކަރަންޓުގެ ޚިދުމަތަށް އިތުރުވަމުންދާ ޑިމާންޑް ދެނެގަނެ، ރަށުގެ ރައްޔިތުންނާއި ވިޔަފާރިތަކަށް ފެންވަރު ރަންގަޅު ޚިދުމަތެއް ފޯރުކޮށްދިނުމަށްޓަކައި 1000 ކިލޯވޮޓްގެ އިތުރު ޖެންސެޓެއް މިހާރު އެރަަށަށް ގެންގޮސްފައިވާ ކަމަށެވެ.
މި ޖަނަރޭޓަރު އިންސްޓޯލްކުރެވި، ކޮމިޝަން ކުރެވުމާއެކު އުކުޅަހުގެ ކަރަންޓު ޚިދުމަތް އިތުރަށް ފުރިހަމަވެގެންދާނެ ކަމުގައި ވެސް ސްޓެލްކޯ އިން ބުންޏެވެ.
ކަރަންޓުގެ ހިދުމަތް ރަނގަޅު ކުރުމަށްޓްކައި ސްޓެލްކޯ އިން ފާއިތުވި ތިން ދުވަހު ވަނީ އެކި ރަށްރަށަށް އިތުރު ޖެންސެޓް ފޮނުވާފައެވެ. އެގޮތުން އިއްޔެ ސްޓެލްކޯއިން ވަނީ އދ. ދިގުރަށަށް 320 ކިލޯވޮޓްގެ އިތުރު ޖެންސެޓަކާއި، އއ. މަތިވެރިއަށް 600 ކިލޯވޮޓްގެ އިތުރު ޖެންސެޓެއް ފޮނުވާފައެވެ. މީގެއިތުރުން މިދިޔަ ބުރާސްފަތި ދުވަހު އއ. ތޮއްޑޫ އަށާއި ބުދަ ދުވަހު ކ. ގުރައިދޫއަށް ވަނީ 1000 ކިލޯވޮޓްގެ އިތުރު ޖެންސެޓެއް ފޮނުވާފައެވެ.
ކިޔުންތެރިންގެ ހިޔާލު