ޓްރީ ޓޮޕް ހޮސްޕިޓަލުން ވަނީ 2025 ވަނަ އަހަރުގެ ނޮވެމްބަރު މަހުގެ 3 އަދި 4 ގައި، މަޔޯ ކްލިނިކްގެ ބައިނަލްއަޤްވާމީ އިސް ތަޖުރިބާކާރުން ބައިވެރިވި ޚާއްޞަ މެޑިކަލް ވޯކްޝޮޕްތަކެއްގެ ދެ ދުވަހުގެ ސިލްސިލާއެއް ކާމިޔާބުކަމާއެކު ބާއްވާފައެވެ.

މި ހަރަކާތް ފެށިގެން ދިޔައީ މަޔޯ ކްލިނިކްގެ ފެމިލީ މެޑިސިން އިންސްޓްރަކްޓަރ، ޑރ. އެރިކް ލެވޭލް، އެމް.ޑީ.، އެމް.ޕީ.އެޗް. ލީޑު ކުރެއްވި ޕޮއިންޓް-އޮފް-ކެއަރ އަލްޓްރާސައުންޑް (ޕީ.އޯ.ސީ.ޔޫ.އެސް) ވޯކްޝޮޕަކުންނެވެ. ޓްރީ ޓޮޕް ހޮސްޕިޓަލްގެ ކޮންސަލްޓަންޓް ރޭޑިއޮލޮޖިސްޓް އަދި ރޭޑިއޮލޮޖީގެ ހެޑް، ޑރ. ކަންޗަން ދުންގަލް އަދިކާރީގެ އިފްތިތާޙީ ބަސްފުޅަށްފަހު، ޑރ. ލެވޭލް ވަނީ ބެޑްސައިޑް އަލްޓްރާސައުންޑްގެ އަސާސީ އުޞޫލުތަކާއި ކްލިނިކަލް ބޭނުންތަކުގެ މައްޗަށް އަލިއަޅުއްވާލައްވާފައެވެ.

ދެވަނަ ދުވަހު ބޭއްވުނީ މަޝްހޫރު ރޭޑިއޮލޮޖިސްޓެއް އަދި ވެސްކިއުލަރ މެޑިސިން ސްޕެޝަލިސްޓެއް ކަމަށްވާ ޑރ. ހަރަލްޑޫރ ބްޔާނާސަން، އެމް.ޑީ. ހިންގެވި އިންޓަވެންޝަނަލް ރޭޑިއޮލޮޖީ ވޯކްޝޮޕެކެވެ. ޓްރީ ޓޮޕް ހޮސްޕިޓަލްގެ ރޭޑިއޮލޮޖީ ޑިޕާޓްމަންޓުން ތަޢާރަފުކޮށް، އައި.އެމް.އީ.އާރް.ސީ.ގެ އޯގަނައިޒަރ އަދި މަޔޯ ކްލިނިކްގެ ވެސްކިއުލަރ މެޑިސިން ކޮންސަލްޓަންޓް، ޑރ. ރައްޔާ އަޙްމަދު ސިއްދީޤްގެ ހިޔާލުތައް ހިމެނުނު މި ސެޝަންގައި ވަނީ މުހިންމު އުޞޫލުތަކެއްގެ ޢަމަލީ ތަމްރީނު ދީފައެވެ. މީގެ ތެރޭގައި ޕޯސްޓް-ސީ.އޭ.ބީ.ޖީ. ފެމޯރަލް އާޓަރީ ޕްސޫޑޯއެނިއުރިޒަމް މެނޭޖްކުރުމާއި، ޕެރިފެރަލް ވެސްކިއުލަރ ޑޮޕްލަރ އެސެސްމަންޓް، އަލްޓްރާސައުންޑް-ގައިޑެޑް ވެސްކިއުލަރ އެކްސެސް، އަދި ޑައިލިސިސްއަށް ވެސްކިއުލަރ މެޕިންގ ހިމެނެއެވެ. މަޔޯ ކްލިނިކްއާ ގުޅިގެން ބޭއްވުނު މިފަދަ އެއްބާރުލުމުގެ ވޯކްޝޮޕްތަކުން ދައްކުވައިދެނީ، ޓްރީ ޓޮޕް ހޮސްޕިޓަލުން ކްލިނިކަލް ހުނަރުތައް ކުރިއެރުވުމަށާއި، ދެމިގެންދާ ޕްރޮފެޝަނަލް ތަރައްޤީގެ ޒަރީޢާއިން ޞިއްޙީ ޚިދުމަތްތައް ރަނގަޅުކުރުމަށް ދެމުންގެންދާ ބޮޑު އަހައްމިއްޔަތެވެ.

ޓްރީ ޓޮޕް ހޮސްޕިޓަލުން ބުނެފައިވަނީ، އެންމެ މަތީ ފެންވަރުގެ ބަލިމީހުންގެ ފަރުވާ ފޯރުކޮށްދިނުމަށްޓަކައި، އެ ހޮސްޕިޓަލުން ދުނިޔޭގެ ފެންވަރުގެ ތަމްރީނުތަކަށް އިންވެސްޓް ކުރާ ކަމަށެވެ. މަޔޯ ކްލިނިކާ ގުޅިގެން ބޭއްވި މި ވޯކްޝޮޕްތަކަކީ މި މަސައްކަތުގެ މުހިންމު ބައެއް ކަމަށާއި، މިއީ ކްލިނިކަލް ހުނަރުތައް ކުރިއެރުވުމަށްޓަކައި އަދި ރާއްޖޭގެ ސިއްހީ ހިދުމަތްތައް ދިގުދެމިގެންދާ ގޮތަށް ތަރައްގީކުރުމަށް ހޮސްޕިޓަލުން ވެފައިވާ ވަޢުދެއްގެ ހެއްކެއް ކަމަށްވެސް ހޮސްޕިޓަލުން ވަނީ ހާމަކޮށްފައެވެ.

ވިލާ ކޮލެޖަކީ ދިވެހިރާއްޖޭގެ ފުރަތަމަ ޕްރައިވެޓް މަތީ ތަޢުލީމުދޭ މުއައްސަސާއެވެ. 2007 ވަނަ އަހަރު، ސަރުކާރާއި ގުޅިގެން ޕްރައިވެޓް-ޕަބްލިކް ޕާޓްނަރޝިޕް އެއްބަސްވުމެއްގެ ދަށުން، ވިލާ ގްރޫޕްގެ ޗެއަރމަން، ޢިއްޒަތްތެރި ޑރ. ޤާސިމް އިބްރާހިމް މި ކޮލެޖު އުފެއްދެވިއެވެ. އެންމެ 54 ދަރިވަރުންނާއި ހަތަރު ކްލާސްރޫމުން ފެށިގެން، މި ކޮލެޖު ވަނީ އެތައް ގޮތަކުން ފުޅާވެ، ޕާޓްނަރޝިޕްތަކުގެ ޒަރީޢާއިން ފްރެންޗައިޒް ޕްރޮގްރާމްތައް ހިންގި ރާއްޖޭގެ ފުރަތަމަ މުއައްސަސާއަށް ވެފައެވެ.

ޓްރީ ޓޮޕް ހޮސްޕިޓަލަކީ ދިވެހިރާއްޖޭގެ ޞިއްޙީ ޚިދުމަތުގެ ދާއިރާގައި އިސް ދައުރެއް އަދާކުރަމުން އަންނަ ހޮސްޕިޓަލްއެކެވެ. މި ހޮސްޕިޓަލުގެ މައިގަނޑު އަމާޒަކީ އައު އުސޫލުތަކާއި ޚިދުމަތްތައް ތަޢާރަފުކޮށް، ދިވެހި ރައްޔިތުން ބޭރު ޤައުމުތަކަށް ޞިއްޙީ ފަރުވާ ހޯދަން ދާންޖެހޭ ސަބަބު މަދުކުރުމާއި، ޞިއްޙީ ޚިދުމަތުގެ ޚަރަދުތައް ކުޑަކުރުމެވެ. އެންމެ ޒަމާނީ ޓެކްނޮލޮޖީއާއި ފުރިހަމަ ލެބޯޓަރީ ޚިދުމަތްތަކާއި އެކު،ޓްރީ ޓޮޕް ހޮސްޕިޓަލުގެ ތަޖުރިބާކާރު ޑޮކްޓަރުންގެ އަމާޒަކީ ދިވެހިރާއްޖޭގެ ރައްޔިތުންނަށް ގިނަގުނަ ޞިއްޙީ ޚިދުމަތްތަކެއް ފޯރުކޮށްދިނުމެވެ.