ޅ. ނައިފަރު ބަނދަރު ތަރައްގީކުރުމުގެ މަޝްރޫއު އެމްޓީސީސީއާ ހަވާލުކޮށްފިއެވެ.
އެމްޓީސީސީއާ އެ މަޝްރޫއު ހަވާލުކޮށްފައިވަނީ ކ. އަތޮޅު އަދި ޅ. އަތޮޅުގެ ރަށްތަކަށް ރައީސް ޑރ. މުހައްމަދު މުއިއްޒު ކުރައްވަމުން ގެންދަވާ ދަތުރުފުޅުގެ ތެރެއިން ނައިފަރުގައި ރޭ ބޭއްވި ޖަލްސާގައެވެ.
އެމްޓީސީސީއާ އެ މަޝްރޫއު ހަވާލުކުރުމަށް ސަރުކާރުގެ ފަރާތުން އެއްބަސްވުމުގައި ސޮއިކުރެއްވީ ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބެވެ. އަދި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އަހުމަދު ސައުދީއެވެ.
އެ މަޝްރޫއުގެ ދަށުން ނައިފަރުގައި މިހާރު އޮންނަ ބަނދަރު ތަރައްގީކުރުމާއި އާ ބަނދަރެއް ތަރައްގީކުރުމުގެ މަސައްކަތް ވެސް ކުރުމަށް ހަމަޖެހިފައިވެއެވެ.
މިރޭގެ ޖަލްސާގައި ވާހަކަފުޅުދައްކަވަމުން ރައީސް ވިދާޅުވީ ނައިފަރުގެ ބަނދަރަކީ މީގެ ކުރިން ވެސް އަތޮޅުތެރޭގައި އޮތް އެންމެ ބޮޑު އެއް ބަނދަރު ކަމަށާއި މަޝްރޫއު ނިމުމާއެކު ނައިފަރު ބަނދަރަކީ އުތުރުގެ އެންމެ ބޮޑު ބަނދަރަށް ވެސް ވެގެންދާނެ ކަމަށެވެ.
ކިޔުންތެރިންގެ ހިޔާލު