ޅ. ނައިފަރުގައި ފުޓްބޯޅަ ދަނޑެއް ތަރައްގީކުރުމުގެ މަޝްރޫއު އެމްޓީސީސީއާ ހަވާލުކޮށްފިއެވެ.
މިނިސްޓްރީ އޮފް ސްޕޯޓްސް ފިޓްނެސް އެންޑް ރިކްރިއޭޝަންގައި މިއަދު ބޭއްވި ރަސްމިއްޔާތެއްގައި އެ މިނިސްޓްރީގެ ފަރާތުން ސޮއިކުރެއްވީ މިނިސްޓަރު އަބްދުﷲ ރާފިއުއެވެ. އަދ،ި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގް ޑިރެކްޓަރު، އަހުމަދު ސައުދީއެވެ.
މި މަޝްރޫއުގެ ދަށުން ސަބްބޭސް މަރާމާތު ކުރުމާއ،ި ޓާފް އަލުން އެޅުމާއ،ި ވަށައިފާރު ރޭނުމާއ،ި ފެންސް ރެނޮވޭޓްކުރުމާއ،ި އިތުރު ދެ ބައްތި ހޮޅިދަނޑި ހަރުކުރާނެއެވެ. އަދި މިހާރު ހުރި ރޮސްޓްރަމް ރޫޅާލުމާއ،ި 16,100 އަކަފޫޓުގެ ސަރަހައްދެއްގައި ތިން ފަންގިފިލާގައި އާ ރޮސްޓްރަމެއް ހެދުމުގެ މަސައްކަތް ވެސް ކުރާނެއެއެވެ.
މިއ،ީ 24.78 މިލިއަން ރުފިޔާއަށް 360 ދުވަސްތެރޭނިންމަން އެމްޓީސީސީއާ ހަވާލުކޮށްފައިވާ މަޝްރޫއެކެވެ.
7000 އަށްވުރެ ގިނަ މީހުން ދިރިއުޅޭ ނައިފަރުގައި ފުޓުބޯޅަ ދަނޑެއް އެޅުމަކީ އެރަށު ޒުވާނުންގެ ޒަމާންވީ އުންމީދެކެވެ. އެ އުންމީދު ހަގީގަތަކަށް ހައްދަވައިދެއްވާނީ ރައީސް މުހައްމަދު މުއިއްޒުގެ ސަރުކާރުންނެވެ.
މިކަމުގެ ސަބަބުން އެ ރަށު ޒުވާނުން ފުބޯޅައިން ކުރިއެރުމަށް އިތުރު ފަސޭހަތަކެއް ލިބޭނެއެވެ.
ކިޔުންތެރިންގެ ހިޔާލު