ބިން ހިއްކުމުގެ މަސައްކަތްތައް ކުރަން މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)އިން އެ ކުންފުނީގެ 100 ޕަސަންޓް ހިއްސާ އޮންނަ ގޮތަށް ކުންފުންޏެއް އުފައްދައިފިއެވެ.
އެމްއޭސީއެލުން އުފެއްދި އެ ކުންފުންޏަށް ކިޔަނީ ޕެނިންސޫލާ އިންފްރާސްޓްރަކްޗާ އެވެ. އިކޮނޮމިކް މިނިސްޓްރީގެ ބިޒްނަސް ޕޯޓަލްއިން ދައްކާ ގޮތުގައި އެ ކުންފުނި އުފައްދާފައިވަނީ މިމަހުގެ ހަވަނަ ދުވަހުގައެވެ.
ޕެނިންސޫލާ ކުންފުނީގެ މެނޭޖިން ޑިރެކްޓަރުގެ މަގާމު އަދާކުރައްވަނީ، އެމްއޭސީއެލްގެ މެނޭޖިން ޑިރެކްޓަރުގެ މަގާމު އަދާކުރައްވާ އިބްރާހިމް ޝަރީފެވެ.
އެ ކުންފުނިން މިހާރުވަނީ ބިން ހިއްކުމުގެ މަޝްރޫއުތައް ހިންގައިދޭނެ ބަޔަކު ހޯދަން އިއުލާންކޮށްފައެވެ. އަދި ވަނީ ރަށްރަށުގައި ހިންގާ ބައެއް މަޝްރޫއުތަކުގެ މަސައްކަތްވެސް ކޮށްދޭނެ ބަޔަކު ހޯދަން އިއުލާންކޮށްފައެވެ.
ކިޔުންތެރިންގެ ހިޔާލު