ވ. ރަކީދޫގައި ހުޅުވި ޕޮލިސް ޑެސްކާއެކު، އެ އަތޮޅުގެ ހުރިހާ ރަށެއްގައި ފުލުހުންގެ ހިދުމަތް މިހާރު ގާއިމްކޮށްފިއެވެ.
ރަކީދޫ ޕޮލިސް ޑެސްކް މިއަދު ރަސްމީކޮށް ހުޅުވައިދެއްވީ ޕޮލިސް ކޮމިޝަނަރ އިސްމާއިލް ނަވީން އާއި އެ ރަށު ކައުންސިލު ރައީސް ޢަބްދުﷲ ރަޝީދެވެ.
މިކަމަށްޓަކައި މިއަދު ރަކީދޫގައި ބޭއްވި ރަސްމިއްޔާތެއްގައި ފުލުހުންގެ ބައެއް އިސް އޮފިސަރުންނާއި ރަކީދޫ ކައުންސިލުގެ މެންބަރުންގެ އިތުރުން ސަރުކާރުގެ އެހެން ބައެއް އިދާރާތަކުގެ އިސް ބޭފުޅުންވެސް ބައިވެރިވެވަޑައިގެންނެވިއެވެ.
ރަކީދޫގައި ހުޅުވި މި ޕޮލިސް ޑެސްކާއެކު ވ. އަތޮޅުގެ މީހުން ދިރިއުޅޭ ހުރިހާ ރަށެއްގައި މިހާރު މިވަނީ ފުލުހުންގެ ހިދުމަތް ގާއިމްކޮށްފައެވެ.
ކިޔުންތެރިންގެ ހިޔާލު