ސިވިލް ސާވިސްއަށް ހިދުމަތްކުރި މުއްދަތު ގުނާއިރު، ދައުލަތުގެ އެހެން އިދާރާއެއްގައި ނުވަތަ ކުންފުންޏެއްގައި ޚިދުމަތްކުރި މުއްދަތު ވެސް ގުނާ ގޮތަށް ގެނައި ބަދަލު ސިވިލް ސާވިސް ކޮމިޝަން (ސީއެސްސީ)ން ބާތިލުކޮށްފި އެވެ.
ސީއެސްސީން މިއަދު ނެރުނު ބަޔާނެއްގައި ވަނީ ވަޒީފާއިން ރިޓަޔާކުރާއިރު ހިދުމަތުގެ މުއްދަތު ގުނާއިރު ސަރުކާރުގެ މައި ހިއްސާ އޮންނަ ކުންފުނިތަކާއި ދައުލަތުގެ އެހެން އިދާރާތަކުގައި ހިދުމަތްކުރި މުއްދަތު ގުނަން މީގެކުރިން އެ ކޮމިޝަނުން ނިންމި ނިންމުން ބާތިލްކޮށްފައިވާ ކަމަށެވެ.
އެ ސާކިޔުލާ ބާތިލްކުރީ ސަރުކާރުގެ އެހެން އިދާރާތަކާ މަޝްވަރާކުރަން ކަމަށް އެ ބަޔާނުގައިވެ އެވެ.
އެ ކޮމިޝަނުން އެ ސާކިޔުލާ ބާތިލްކޮށްފައި ވަނީ އާ ދެ މެންބަރަކު އެ ކޮމިޝަނަށް މިއަދު އައްޔަންކުރި ފަހުންނެވެ.
އެ ކޮމިޝަނުގެ މެންބަރު ކަމަށް ކުރީގެ ރައީސް މުހައްމަދު ނާސިހާއި ޑރ. ދީބާ މޫސާ އާއި ޑރ. ހުސައިން ފާއިޒު މިއަދު ވަނީ އައްޔަންކޮށްފަ އެވެ.
ކިޔުންތެރިންގެ ހިޔާލު