ކުރީގެ ނައިބު ރައީސް އަހްމަދު އަދީބުގެ އެމްޓީޑީ އުވާލައިފިއެވެ.
އިލެކްޝަންސް ކޮމިޝަނުން މިއަދު ކުރި ވަނީ އެކަން އިއުލާންކޮށްފައެވެ. އެ އިއުލާނުގައި ވާ ގޮތުން އެމްޓީޑީ އުވާލީ ސިޔާސީ ޕާޓީގެ ގާނޫނުގެ 30 ވަނަ މާއްދާގެ (ހ) ގެ 1 ވަނަ ނަންބަރުގައިވާ ގޮތުގެމަތިންނެވެ.
އެމްޓީޑީން އަދާކުރަންޖެހޭ ދަރަންޏެއް ވާނަމަ މި މަހުގެ 31 ވަނަ ދުވަހުގެ ކުރިން އެ ޕާޓީއަށް ހުށަހަޅައިގެން އެކަން ކުރިއަށްގެންދިޔުމަށް އެ ކޮމިޝަނުން ވަނީ އެދިފައެވެ.
ރާއްޖޭގައި މިހާރު އޮތް އެންމެ ބޮޑު ޕާޓީ އަކީ ވެރިކަންކުރާ ޕީއެންސީ އެވެ. ދެވަނައަށް އެންމެ ބޮޑު ޕާޓީ އަކީ އިދިކޮޅު މައި ޕާޓީ، އެމްޑީޕީ އެވެ. ދެން އޮންނަނީ ޖުމްހޫރީ ޕާޓީ އާއި އަދާލަތު ޕާޓީ އާއި އެމްޑީއޭގެ އިތުރުން އެމްއެންޕީ އެވެ.
ކިޔުންތެރިންގެ ހިޔާލު