ގެދޮރުވެރިޔާ ސްކީމްގެ ދަށުން ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ 4000 ފްލެޓްގައި މީހުން ދިރިއުޅެން ފަށަންވާއިރަށް، ފްލެޓްތައް ހުންނަ ސަރަހައްދުތަކުގައި އިތުރު ބަސް ސްޓޮޕްތައް ހެދުމުގެ މަސައްކަތް ފަށައިފިއެވެ.
އެޗްޑީސީން ބުނީ އެއީ ފްލެޓްތަކުގައި ދިރިއުޅޭ ރައްޔިތުންނަށް ފަސޭހައިން ދަތުރުކުރެވޭނެ ގޮތް ތަނަވަސްކޮށްދިނުމުގެ ގޮތުން ކުރާ ކަމެއް ކަމަށެވެ.
ގެދޮރުވެރިޔާ ސްކީމްގެ ދަށުން ފްލެޓް ލިބުނު މީހުންނާއެކު އެއްބަސްވުމުގައި ސޮއިކުރުމުގެ މަސައްކަތް ފަހި ދިރިއުޅުން ކޯޕަރޭޝަނުން އަންނަނީ ކުރަމުންނެވެ. މިހާތަނަށް 2000އަށްވުރެ ގިނަ މީހުންނާއެކު އެއްބަސްވުމުގައި ސޮއިކޮށްފައިވާ ކަމަށް އެ ކުންފުނިން ބުންޏެވެ.
ދާދިފަހުން ސަރުކާރުން ވަނީ ކަސްޓަމްސްގެ 100 މުވައްޒަފުންނަށް ފްލެޓް ދޭން ނިންމައި، އެ މުވައްޒަފުންނާއެކު ވެސް އެއްބަސްވުމުގައި ސޮއިކުރުމުގެ މަސައްކަތް ފަށައިފައެވެ.
އެއްބަސްވުމުގައި ސޮއިކުރުމަށް ފަހު، ތަޅުދަނޑި ހަވާލުކުރަނީ ފްލެޓުގެ ސެކިއުރިޓީ ޑިޕޮސިޓް ދެއްކުމުންނެވެ. އެއީ ދެ ކޮޓަރީގެ އެޕާޓްމަންޓްތަކަށް 15،000ރ. އެވެ. އަދި ތިން ކޮޓަރީގެ އެޕާޓްމަންޓްތަކަށް 25،000ރ. އެވެ.
ކިޔުންތެރިންގެ ހިޔާލު