ވިހި ވަނަ ރައްޔިތުންގެ މަޖިލީހުގެ މި އަހަރުގެ ދެވަނަ ދައުރު ދަންމާލުމަށް މަޖިލީހުން މިއަދު ފާސްކޮށްފި އެވެ.
ރައްޔިތުންގެ މަޖިލީހުގެ ގަވާއިދު ބުނާގޮތުން އަހަރުގެ ދެވަނަ ދައުރު ހިނގާނީ ޖޫން މަހުގެ ފުރަތަމަ ދުވަހުން ފެށިގެން އޮގްސްޓް މަހުގެ 15 ވަނަ ދުވަހުގެ ނިޔަލަށެވެ.
ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އެދިވަޑައިގެންނެވި ގޮތަށް މި ދައުރު މި މަހުގެ 21 ވަނަ ދުވަހާ ހަމަޔަށް ދަންމާލުމަށް ފާސްކޮށްފައި ވަނީ މިއަދުގެ ޖަލްސާގެ ވޯޓުގައި ބައިވެރިވެވަޑައިގެންނެވި މެމްބަރުންގެ ތެރެއިން 38 މެމްބަރުންގެ ވޯޓާއެކު އެވެ. ފަސް މެމްބަރުން އެކަމާ ދެކޮޅަށް ވޯޓު ދެއްވި އެވެ.
ދައުރު ދަންމާލުމަށް މަޖިލީހުގެ ރައީސް ހުށަހެޅުއްވީ، ނިންމުމަށް މުހިއްމު މަސައްކަތްތަކެއް ހުރުމުން ކަމަށް ވިދާޅުވެ އެވެ.
ކިޔުންތެރިންގެ ހިޔާލު