ސަރުކާރުގެ އެކި ތަޢުލީމީ ޕްރޮގްރާމުތަކުގެ ދަށުން މަތީ ތަޢުލީމު ހާސިލުކުރަމުންދާ ދަރިވަރުންނަށް މި އަހަރުގެ މިހާތަނަށް 513 މިލިއަން ރުފިޔާ ދޫކޮށްފައިވާކަމަށް މަތީ ތަޢުލީމާއި ބެހޭ ވުޒާރާއިން ހާމަކޮށްފިއެވެ.
މަތީ ތަޢުލީމާއި، ވަޒީފާއާއި އަދި ހުނަރު ތަރައްޤީކުރުމާ ބެހޭ ވުޒާރާއިން ޢާންމުކޮށްފައިވާ ތަފާސްހިސާބުތަކަށް ބަލާއިރު، މި އަހަރު އެންމެ ގިނަ ފައިސާ ދޫކޮށްފައިވަނީ ދަރިވަރުންގެ ލޯނު ޕްރޮގްރާމުގެ ދަށުން ކިޔަވާ ދަރިވަރުންނަށެވެ. އެގޮތުން 1 ޖަނަވަރީ 2023 އިން 7 އޯގަސްޓު 2023 އާ ހަމައަށް 311,441,221.95 ރުފިޔާ (ތިން ސަތޭކަ އެގާރަ މިލިއަން ހަތަރު ލައްކަ ސާޅީސް އެއްހާސް ދުއިސައްތަ އެކާވީސް ރުފިޔާ ނުވަދިުވަދިހަ ފަސް ލާރި) ދަރިވަރުންގެ ލޯނުގެ ގޮތުގައި ދޫކޮށްފައިވެއެވެ.
މި އަހަރު 282 ދަރިވަރަކަށް އަލަށް ދަރިވަރުންގެ ލޯނު ދޫކުރެވުނެވެ. އަދި މި ލޯނު ޕްރޮގްރާމުގެ ދަށުން ކިޔަވަމުންދިޔަ 382 ދަރިވަރަކު މި އަހަރުގެ މިހާތަނަށް ދަސްވެނިވެފައިވެއެވެ. މިހާރު ދިވެހިރާއްޖެއާއި ބޭރުގެ 40 ޤައުމެައުމެއްގައި ޖުމްލަ 1,676 ދަރިވަރަކު މި ލޯނު ޕްރޮގްރާމުގެ ދަށުން ކިޔަވަމުން ގެންދެއެވެ.
ފާއިތުވި އަހަރު 1,159 ދަރިވަރަކު މި ލޯނު ޕްރޮގްރާމުގެ ދަށުން ކިޔަވަމުންދިޔައިރު، 964 ދަރިވަރަކު ކިޔެވުން ނިންމައި ދަސްވެނިވިއެވެ. ފާއިތުވި އަހަރާއި މި އަހަރުގެ މިހާތަނަށް ޖުމްލަ 1,011,811,520 ރުފިޔާ (އެއް ބިލިއަން އެގާރަ މިލިއަން އަށް ލައްކަ އެގާރަހާސް ފަސްސަތޭކަ ވިހި ރުފިޔާ) ދަރިވަރުންގެ ލޯނު ޕްރޮގްރާމުގެ ދަށުން ދޫކޮށްފައިވެއެވެ.
ކިޔުންތެރިންގެ ހިޔާލު