ސްޓެލްކޯގެ ސަބްސްޓޭޝަނެއްގެ ތެރެއަަށް ވަދެ ކޭބަލް ބުރިކޮށްލައިފި އެވެ:
ކޭބަލް ބުރިކޮށްލާފައި ވަނީ މާފަންނު ފަރީދީމަގު، ގަޑިބުރު ކައިރި ހުރި ސަބްސްޓޭޝަންގެ އެވެ.

ފުލުހުން ބުނީ އެ ރިޕޯޓް ލިބުނީ ރޭ 9:46 ހާއިރު ކަމަށެވެ: އެ މައްސަލަ ތަހުގީގު ކުރަމުންދާ ކަމަށް ވެސް ބުންޏެވެ.
އެކަން ކުރި ކަމުގެ ތުހުމަތު ގައި މީހަކު / ބަޔަކު އަދި ހައްޔަރެއް ނުކުރެ އެވެ.

ސަބްސްޓޭޝަންތަކުން ވައްކަން ކުރުމަކީ އާންމު ކަމެކެވެ. އެކަން ކުރަނީ ވަގަށް ކޭބަލަށް ނަގައިގެން ގޮސް ވިއްކާލުމަށެވެ. އެއީ ބޮޑު އަގުގައި މީހުން ގަންނަ އެއްޗެކެވެ.

ކޭބަލް ވަގަށް ނަގަން ސަބްސްޓޭޝަންތަކަށް ވަންނަ މިންވަރު އިތުރުވެފައިވާއިރު މިއީ ވަރަށް ނުރައްކާތެރި ކަމެކެވެ. މިފަދަ ބައެއް ހާދިސާތަކުން މީހުން މަރުވެފައިވެސް ވެ އެވެ.