މިނިވަން ދުވަހުގެ މުނާސަބަތުގައި މިރޭ ބާއްވަން ތާވަލުކުރި ހަރަކާތްތައް ކެންސަލްކޮށްފިއެވެ.
ކަލްޗާ އެންޑް ހެރިޓޭޖް މިނިސްޓްރީން އެކްސްގައި ކުރި ޕޯސްޓެއްގައި ބުނީ މިރޭ ހުޅުމާލޭ ސެންޓްރަލް ޕާކުގައި ބޭއްވުމަށް އިންތިޒާމު ކުރި، މިނިވަން ދުވަހުގެ ފުޅަނދުތައް ދައްކާލުމާއި ސަގާފީ ހަރަކާތްތައް، މޫސުން ތަންނުދިނުމުގެ ސަބަބުން ކުރިއަށް ނުގެންދަން ނިންމާފައިވާ ކަމަށެވެ.
ސަރުކާރުގެ ގިނަ މުއައްސަސާތަކެއް ހިމެނޭހެން މި ފަހަރުގެ ފުޅަނދުބުރުތައް ރޭ މާލޭގައި ވަނީ ދައްކާލައިފައެވެ. އަދި މި ސަރަހައްދުގެ ގިނަ ބަޔަކު ވަނީ ފުޅަނދުބުރުތައް ބަލައިލުމަށް މަގުތަކަށް ނުކުމެފައެވެ.
ފަޅަނދުބުރުގެ ހަރަކާތްތައް މިއަދު ހަވީރު ހުޅުމާލޭގައި ވެސް ކުރިއަށްގެންދިޔައެވެ. ފުޅަނދުބުރާއެކު ހުޅުމާލޭ ސެންޓްރަލް ޕާކުގައި މިރޭ އިތުރު ހަރަކާތްތަކެއް ކުރިއަށް ގެންދިއުމަށް ވެސް ކުރިން ވަނީ ތާވަލުކޮށްފައެވެ.
ކިޔުންތެރިންގެ ހިޔާލު