ރަސްމީ ދަތުރުފުޅެއްގައި މިހާރު ރާއްޖެ ވަޑައިގެން އުޅުއްވާ އިންޑިއާގެ ބޮޑުވަޒީރު ނަރެންދުރަ މޯދީ، ކުރީގެ ރައީސް މުހައްމަދު ނަޝީދާ ބައްދަލު ކުރައްވައިފިއެވެ.
މި ބައްދަލުކުރެއްވުން އޮތީ މޯދީ ހުންނަވާ ކުރުނބާ މޯލްޑިވްސް ރިސޯޓުގައެވެ.
ރައީސް ނަޝީދަކީ އިންޑިއާ އާއި ދިވެހިރާއްޖޭގެ އެކުވެރިކަމަށް އަބަދު ވެސް ވަކާލާތު ކުރައްވާ ބޭފުޅެއް ކަމަށް މި ބައްދަލު ކުރެއްވުމުގައި މޯދީ ވަނީ ވިދާޅުވެފައެވެ.
އެގޮތުން “ނެއިބަހުޑް ފަސްޓް” ސިޔާސަތާއި މަހާސާގަރުގެ ތަސައްވުރުގެ އަގުހުރި ތަނބެއްގެ ގޮތުގައި އަބަދުވެސް ރާއްޖެ އޮންނަ އޮތުމާ ބެހޭގޮތުން މޯދީ ވަނީ ވާހަކަ ދައްކަވައިފައެވެ.
މޯދީ މިއަދު ވަނީ ރައްޔިތުންގެ މަޖިލީހުގެ ރައީސް އަބްދުއްރަހީމް އަބުދުﷲ އާ ވެސް ބައްދަލުކުރައްވައިފައެވެ.
ކިޔުންތެރިންގެ ހިޔާލު