ފުލުހުންގެ ވިކްޓިމް ސަޕޯޓް ޑިޕާޓްމަންޓުގެ ފަރާތުން އިސްރަށްވެހިންނަށް އަމާޒުކޮށްގެން ވޯކްޝޮޕެއް ކުރިއަށް ގެންގޮސްފިއެވެ.
މި މަހު 17 ވަނަ ދުވަހު މާލޭގައި ހުންނަ އިސްރައްވެހިންގެ ނާދީގައި ކުރިއަށްގެންދިޔަ އެ ވޯކްޝޮޕަކީ އިސްރަށްވެހިންގެ ނަފުސާނީ ދުޅަހެޔޮކަމާއި އަމިއްލަ ނަފްސަށް އަޅާލުމާ ގުޅޭގޮތުން ކުރިއަށްގެންދިޔަ ވޯކްޝޮޕެކެވެ.
ފުލުހުން ބުނީ އެ ވޯކްޝޮޕްގައި ނަފުސާނީ ދުޅަހެޔޮކަމަކީ ކޮބައިކަމާއި ނަފްސާނީ ގޮތުންނާއި ޖިސްމާނީގޮތުން ދުޅަހެޔޮ މީހަކަށްވުމަށް ކުރެވިދާނެ ކަންތައްތަކާ ގުޅޭގޮތުން މައުލޫމާތު ހިއްސާކޮށްފައިވާ ކަމަށެވެ.
އަދި އަމިއްލަ ނަފުސަށް އަޅާލުމަށް ކުރެވިދާނެ ކަންތައްތަކާއި އޭގެ މުހިންމުކަމާ ގުޅޭގޮތުން ވެސް މައުލޫމާތު ހިއްސާކޮށްފައިވާ ކަމަށާއި އޭގެ އިތުރުން ވެސް، މައިންޑްފުލްނަސްއާ ގުޅޭގޮތުން މައުލޫމާތު ހިއްސާކޮށްފައިވާ ކަމަށް ފުލުހުން ބުންޏެވެ.
އެ ވޯކްޝޮޕް ކުރިއަށް ގެންގޮސްފައިވަނީ އެކިކަހަލަ ކުޅިވަރުގެ ހަރަކާތްތަކާ އެކުގައެވެ.
އިސްރައްވެހިންގެ 30 މީހުން ބައިވެރިވި އެ ވޯކްޝޮޕްގައި މައުލޫމާތު ހިއްސާކޮށްފައިވަނީ ވިކްޓިމް ސަޕޯޓް އޮފިސަރުން ކަމުގައިވާ ސުޒާނާ ޝަރީފް އާއި ޔޫހާ ހަސަން ހަލީމާއި އާއިޝަތު ޝަފާއެވެ.
ކިޔުންތެރިންގެ ހިޔާލު