ބިންވެރިޔާ ސްކީމްގެ ދަށުން ހުޅުމާލެ ދެވަނަ ފިޔަވަހީގައި އިމާރާތްކޮށްފައިވާ ފްލެޓްތައް އަންނަ ހަފްތާގެ ތެރޭގައި ހަވާލުކުރަން ފެށޭނެ ކަމަށް ހައުސިން މިނިސްޓަރު ޑރ. އަބްދުﷲ މުއްތަލިބު ވިދާޅުވެއްޖެއެވެ.
މިހާރު ކުރިއަށްދާ “އަހާ” ފޯރަމްގައި ވާހަކަދައްކަވަމުން މިނިސްޓަރު މުއްތަލިބު ވިދާޅުވީ ފްލެޓްގެ އެގްރީމެންޓާ ގުޅޭގޮތުން ބަންޑާރަނައިބުގެ ލަފާ ހޯދުމަށް ފޮނުވާފައިވާ ކަމަށެވެ.
މިނިސްޓަރު ވިދާޅުވީ އެ ފަލާ ލިބި އަންނަ ހަފްތާގެ ތެރޭގައި އެގްރީމެންޓްގައި ސޮއިކުރަން ފެށޭނެ ކަމަށެވެ. އެކަމަށްޓަކައި ވާންޖެހޭ ތައްޔާރީތައް ފަހި ދިރިއުޅުން ކޯޕަރޭޝަނާ ގުޅިގެން މިނިސްޓްރީން އަންނަނީ ކުރަމުންނެވެ.
މިނިސްޓަރު ވިދާޅުވީ ނިމިފައިވާ ފްލެޓްތައް ދޭނެ މީހުންގެ ލިސްޓެއް މިހާރު އެކުލަވާލެވިފައިވާ ކަމަށެވެ.
ނުމިހުރި ފްލެޓްތައް ނިންމުމުގެ މަސައްކަތް ވެސް ބާރު ސްޕީޑްގައި ކުރިއަށް އެބަދެއެވެ.
ހުރިހާ ފްލެޓެއް ނިންމައި އަންނަ ސެޕްޓެމްބަރު މަސް ނިމުމުގެ ކުރިން އެންމެންނަށް ފްލެޓް ހަވާލުކޮށް ނިމޭނެ ކަމަށް މިނިސްޓަރު ވަނީ ވިދާޅުވެފައެވެ.
ކިޔުންތެރިންގެ ހިޔާލު