އިނގެރޭސި ވިލާތުގެ އެންމެ އުމުރުން ދުވަސްވީ މީހާ، ޑޮނަލްޑް ރޯސް މަރުވެއްޖެއެވެ.
ޑޮނަލްޑް ރޯސް މަރުވި އިރު، އޭނާ ވެފައިވަނީ ދެވަނަ ބޮޑު ހަނގުރާމައިގައި ބައިވެރިވި އިނގިރޭސި ސިފައިންގެ ތެރެއިން އެންމެ ދުވަސް ވީ މީހާ ކަމަށްވެސް ރިޕޯޓުތައް ބުނެއެވެ.
އުމުރުން 110 އަހަރުގައި މަރުވި ޑޮނަލްޑްގެ މަރުގެ މައުލޫމާތު ހިއްސާ ކުރަމުން އޭނާ ނިސްބަތް ވާ ސަރަހައްދުގެ ކައުންސިލުން އާންމުކޮށްފައިވާ ބަޔާނުގައި ބުނެފައިވާ ގޮތުގައި ޑޮނަލްޑަކީ ހަނގުރާމައިގެ ހީރޯއެކެވެ. ހަނގުރާމަ ކުރިޔަށް ދިޔަ ދުވަސްވަރު އެންމެ ނުރައްކާތެރި ދަނޑިވަޅުތަކުގައިވެސް އިސް ސަފުގައި ހަރަކާތްތެރިވި މީހެއް ގޮތުގައި ފާހަގަކޮށްފައިވެއެވެ.
ޑޮނަލްޑް އުފަންވީ 1914 ވަނަ އަހަރު ކަމަށް ރިޕޯޓުތައް ބުނެއެވެ. އޭނާ އިނގިރޭސި އާމީއާ ގުޅިފައިވަނީ އުމުރުން 23 އަހަރުގައެވެ.
ޑޮނަލްޑް އޭނާގެ އާމީގެ ހަޔާތުގައި އުތުރު އެފްރިކާގެ އިތުރުން އިޓަލީ އާއި ފްރާންސްގައި ހުންނަ އިނގިރޭސި ބޭސްތަކުގައި މަސައްކަތް ކޮށްފައިވާކަމަށް އޮފިޝަލުން ބުނެއެވެ.
ކިޔުންތެރިންގެ ހިޔާލު