ސިންގަޕޫރަށް ކުރެއްވި ދަތުރުފުޅާއެކު ދެ ގައުމުގެ ގުޅުމުގެ އާ ބާބެއް ފެށިގެން ގޮސްފައިވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ ސިންގަޕޫރުން ދެއްވި މެހެމާންދާރީއަށް އެ ގައުމުގެ ރައީސް ތަރްމަން ޝަންމުގަރަނަމް އާއި ބޮޑުވަޒީރު ލޯރެންސް ވޯންގް އާއި ސިންގަޕޫރު ސަރުކާރަށް ޝުކުރު އަދާކުރައްވާ ކަމަށެވެ.
ރާއްޖެ އާއި ސިންގަޕޫރުގެ ގުޅުމަށް 50 އަހަރު ފުރުން ފާހަގަކުރާ އިރު، ދަތުރުފުޅުގެ ސަބަބުން ދެ ގައުމުގެ ގުޅުމުގެ އާ ބާބެއް ފެށިގެން ގޮސްފައިވާ ކަމަށާއި މަޝްވަރާތަކާއެކު ގުޅިގެން މަސައްކަތްކުރެއްވޭނެ ކަމުގެ ޔަގީންކަން އެބައޮތް ކަމަށް އެ މަނިކުފާނު ވިދާޅުވިއެވެ.
ސިންގަޕޫރަށް ރައީސް ކުރެއްވި ދަތުރުފުޅުގެ ތެރެއިން ސިންގަޕޫރުގެ ރައީސް ތަރްމަން ޝަންމުގަރަނަމް އާއި ބޮޑުވަޒީރު ލޯރެންސް ވޯންގްއާ ވަނީ ބައްދަލުކުރައްވައިފައެވެ. އަދި ސިންގަޕޫރާއި ރާއްޖެއާ ދެމެދު އެއްބަސްވުންތަކެއްގައި ވެސް ސޮއިކުރެވުނެވެ.
ކިޔުންތެރިންގެ ހިޔާލު