އިލެކްޝަންސް ކޮމިޝަންގެ މެންބަރުން ޗައިނާއިން ރާއްޖެއަށް ކަނޑައަޅާފައި ހުންނަވާ ސަފީރު ކޮންގް ޝިއަންހުއާ އާ ބައްދަލުކުރައްވައިފިއެވެ.
މި ބައްދަލުވުން ކުރިއަށް ގެންދިޔައީ މާލޭގައި ހުންނަ ޗައިނާ އެމްބަސީގައި މިއަދުއެވެ. އެ ކޮމިޝަނުގެ މެންބަރުންނާއި އޮފިޝަލުންގެ ޓީމުގައި އިސްކޮށް ހުންނެވީ އެ ކޮމިޝަނުގެ ރައީސް މުހައްމަދު ޒާހިދެވެ.
މި ބައްދަލުވުމުގައި މައިގަނޑު ގޮތެއްގައި މަޝްވަރާ ކުރެވުނީ އިންތިޚާބުގެ މަސައްކަތްތަކުގައި އެކުގައި މަސައްކަތް ކުރުން އިތުރުކުރުމަށާއި، ކޮމިޝަނުގެ ގާބިލުކަން އިތުރުކުރުމަށާއި ޑިމޮކްރެޓިކް ހަމަތައް ކުރިއެރުވުމާ ގުޅޭގޮތުން ކަމަށް އެ ކޮމިޝަނުން ބުންޏެވެ.
އިލެކްޝަންސް ކޮމިޝަނުން މީގެކުރިން ވަނީ އިންޑިއާގެ އެހީތެރިކަމާއެކު ވެސް އެ ކޮމިޝަނުގެ މުވައްޒަފުންނަށް ތަމްރީނު ޕްރޮގްރާމްތަކެއް ވެސް ހިންގާފައެވެ.
ކިޔުންތެރިންގެ ހިޔާލު