އެއްގަމު އުޅަނދުތަކަށް އާ އިންޝުއަރެންސް ސްކީމެއް ތައާރަފުކުރުމުގެ މަސައްކަތް ކުރަމުން އަންނަ ކަމަށް ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވެއްޖެއެވެ.
ދިވެހިރާއްޖޭގެ އަޑުގެ ޕްރޮގްރާމެއްގައި ވާހަކަދައްކަވަމުން މިނިސްޓަރު އަމީން ވިދާޅުވީ ކޮމްޕްރިހެންސިވް އިންޝުއަރެންސް ޕެކޭޖެއް ތައާރަފުކުރުމުގެ މަސައްކަތް މިނިސްޓްރީން ކުންފުނިތަކާ ގުޅިގެން ކުރަމުން އަންނަ ކަމަށެވެ.
އެ އިންޝުއަރެންސް ސްކީމްގެ ޕެކޭޖުތައް ދެ މަހެއްހާ ދުވަސް ތެރޭގައި ތައާރަފުކުރެވޭނެ ކަމަށާއި އެކަމުގެ ސަބަބުން ފައިދާތަކެއް ލިބިގެންދާނެ ކަމަށް މިނިސްޓަރު ވިދާޅުވިއެވެ.
އިންޖީނުލީ އެއްގަމު އުޅަނދުތަކުން ތާޑް ޕާޓީ އިންޝުއަރެންސް ހެއްދުން ޓްރާންސްޕޯޓް މިނިސްޓްރީގެ ގަވައިދުން ލާޒިމެވެ.
ކިޔުންތެރިންގެ ހިޔާލު