މައްޗަންގޮޅީގެ ގެއެއްގެ 2 ވަނަ ފަންގިފިލާއިން ވެއްޓުނު އަންހެނަކަށް އައިޖީއެމްއެޗް ހޮސްޕިޓަލުގައި ފަރުވާދޭން ފަށައިފިއެވެ
ފުލުހުންގެ ޚިދުމަތުން ވިދާޅުވީ މައްޗަންގޮޅީގެ ގެއެއްގެ 2 ވަނަ ފަންގިފިލާއިން އުމުރުން 42 އަހަރުގެ ދިވެހި އަންހެނަކު ވެއްޓިފައިވާ މައްސަލައެއް ރޭ 04:00 އެހާކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
މިހާދިސާގައި ވެއްޓުނު އަންހެން މީހާގެ 2 ފައިގެވެސް ކުޑަހުޅު ނެއްޓި، އޯޕެން ފްރެކްޗާރވެ އަނިޔާވެފައިވާކަމަށް ފުލުހުން މައުލޫމާތު ދެއްވައެވެ. މިއަންހެން މީހާއަށް އައިޖީއެމްއެޗް ހޮސްޕިޓަލުގައި ފަރުވާދެމުން އަންނަކަމަށްވެސް ފުލުހުން ވިދާޅުވެއެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
ކިޔުންތެރިންގެ ހިޔާލު