އޯގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ)ގެ ފޮރިން މިނިސްޓަރުންގެ ކައުންސިލުގެ 51 ވަނަ ސެޝަންގައި ބައިވެރިވެވަޑައިގަތުމަށް ފޮރިން މިނިސްޓަރު އަބްދުﷲ ހަލީލު ތުރުކީއަށް ވަޑައިގެންފިއެވެ.
ހަލީލު ތުރުކީއަށް މިއަދު ވަޑައިގެންނެވުމުން، ރާއްޖެ އިން ތުރުކީއަށް ކަނޑައަޅުއްވާފައި ހުންނަވާ ސަފީރު ލެފްޓިނެންޓް ޖެނެރަލް (ރިޓަޔާޑް) އަބްދުލް ރަހީމް އަބްދުލް ލަތީފު ވަނީ މަރުހަބާ ވިދާޅުވެފައެވެ.
ހަލީލު އެކްސްގައި ކުރެއްވި ޕޯސްޓެއްގައި ވިދާޅުވީ، އެކުވެރި މެންބަރު ގައުމުތަކުގެ މެދުގައި އޮތް އެއްބައިވަންތަކަން ފެނުމުން ޝަރަފުވެރިވާ ކަމަށާއި މި ރޫހުގައި މިއަދު މުސްލިމް އުންމަތަށް ކުރިމަތިވެފައިވާ ގޮންޖެހުންތަކާ ކުރިމަތިލާނެކަމުގެ ޔަގީންކަން ދޭ ކަމަށެވެ.
އޯއައިސީގެ ފޮރިން މިނިސްޓަރުންގެ ކައުންސިލުގެ 51 ވަނަ ސެޝަން ކުރިއަށްދާނީ މިއަދާއި މާދަމާއެވެ. ސެޝަން ޗެއާކުރައްވާނީ ތުރުކީގެ ފޮރިން މިނިސްޓަރު ހަކަން ފިދާންއެވެ.
ކިޔުންތެރިންގެ ހިޔާލު