ރައްޔިތުންގެ މަޖިލީހުގެ ގައްދޫ ދާއިރާގެ ކުރީގެ މެންބަރު އަހުމަދު ރަޝީދު އަވަހާރަވުމުން އެބޭފުޅާގެ އާއިލާއަށް ރައީސް މުހައްމަދު މުއިއްޒު ތައުޒިޔާ ވިދާޅުވެއްޖެއެވެ.
ރަޝީދު އަވަހާރަވީ އައިޖީއެމްއެޗްގައި ފަރުވާ ހޯއްދަވަމުން ދަނިކޮށެވެ. އޭނާ އަވަހާރަވީ ވަރަށް ގިނަ ދުވަސްތަކެއް ވަންދެން ފަރުވާ ހޯއްދެވިފަހުންނެވެ.
ތައުޒިޔާ ވިދާޅުވަމުން ރައީސް “އެކްސް”ގައި ކުރެއްވި ޕޯސްޓެއްގައި ވިދާޅުވީ ރަޝީދާ އެކުގައި ސިޔާސީ ގިނަ މަސައްކަތްޕުޅުތަކެއް ކުރައްވާފައިވާ ކަމަށެވެ.
މަޖިލީހުގެ މެންބަރުކަމަށް 2019 ވަނަ އަހަރު ރަޝީދު ވަޑައިގަތީ ޕީޕީއެމްގެ ޓިކެޓްގައެވެ. އޭނާ ވަނީ އެ ޕާޓީއަށް މުހިންމު ހިދުމަތްތަކެއް ކުރައްވައިފައެވެ. އެގޮތުން ޕީޕީއެމްގެ ސެނެޓް މެންބަރުކަން އަދާކުރެއްވިއެވެ. އަދި އޭގެ ފަހުން ޕީއެންސީގެ ސެނެޓް މެންބަރުކަން ވެސް ކުރެއްވިއެވެ.
ރައްޔިތުންގެ މަޖިލީހުގެ ބައެއް ކޮމިޓީތަކުގައި ވެސް ރަޝީދު ވަނީ މުހިންމު މަސައްކަތްތަކެއް ކުރައްވައިފައެވެ.
ކިޔުންތެރިންގެ ހިޔާލު