ލ. މަހަކަންފުށި ކައިރިއަށް ދާ ޖަހަގެން މަސް ހިފަން ފޭބި މީހަކު ގެއްލިގެން ހޯދަމުން ދަނިކޮށް މަރުވެފައި އޮއްވާ ފެނިއްޖެއެވެ.
މި ހާދިސާ އާ ގުޅިގެން މުޅިރާއްޖެ އަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ، އެ މީހާ ގެއްލިގެން ފުލުހުންނަށް ރިޕޯޓް ކޮށްފައިވަނީ މިއަދު ހެނދުނު 9:50 ކަންހާއިރު ކަމަށެވެ.
އަދި އެމީހާ ގެއްލިގެން ހޯދަމުންދަނިކޮށް މޫދުގައި، މަރުވެފައި އޮއްވާ ފެނިފައިވާ ކަމަށްވެސް އޮފިޝަލް ވިދާޅުވިއެވެ.
ގަމު ކައުންސިލްގެ ރައީސް އަހްމަދު ޒަކީ “މުޅިރާއްޖެ”އަށް ވިދާޅުވީ، އެ މީހާ ރަށަށް ގެނައިރުވެސް މަރުވެފައިވާ ކަމަށާ، މިހާރު އޭނާ ވަނީ ހޮސްޕިޓަލަށް ގެންގޮސްފައި ކަމަށެވެ.
ނިޔާވެފައިވަނީ ލ. ގަމަށް ނިސްބަތްވާ މީހެކެވެ.
