ރާއްޖޭގައި ކޮވިޑް ފެތުރުން އަނެއްކާވެސް އިތުރުވެފައިވާތީ ސަމާލުވާން އެޗްޕީއޭ އިން އިލްތިމާސްކޮށްފިއެވެ.
އެޗްޕީއޭ އިން ބުނީ މިދުވަސްވަރު ކޮވިޑްގެ ކޭސްތައް ގިނައިން ރިޕޯޓް ކުރަމުން އަންނަ ކަމަށެވެ. އެގޮތުން ނިމިދިޔަ ހަފްތާގައި އެފަދަ ކޭސްތައް ރިޕޯޓްކުރުން އިތުރުވެފައިވާ ކަމަށް އެ އެޖެންސީން ބުންޏެވެ.
އަދި، މި ދުވަސްވަރު އާންމުކޮށް ފެތުރޭ ވައިރަލް ރޯގާއާއި ޑެންގޫ އަދި އިންފްލޫއެންޒާގެ ކޭސްތައް ވެސް ގިނަ އަދަދަކަށް ރިޕޯޓުކުރެވުމުންދާ ކަމަށް އެޗްޕީއޭއިން ބުންޏެވެ.
ކޮވިޑަކީ މުޅި ދުނިޔެއަށް ކުރިމަތިވި އާލަމީ ވަބާއެކެވެ. 2019 ވަނަ އަހަރު ފެތުރު އެ ބަލިން މުޅި ދުނިޔެ ސަލާމްވީ އެކަމަށް ހާއްސަ ވެކްސިންތަކެއް އުފައްދައިގެންނެވެ.
ރާއްޖެއިން ވެސް އެ ބަލީގައި 200 އަށްވުރެ ގިނަ މީހުން މަރުވިއެވެ.
