ރާއްޖެއިން ޔޫރަޕިއަން ޔޫނިއަންއަށް ކަނޑައެޅުއްވި ސަފީރު ޤީލާ ޢަލީ އެކަމަނާގެ ސަފީރުކަމުގެ ފަތްކޮޅު އީޔޫ ކޮމިޝަންގެ ރައީސް އުރްސުލާ ވޮން ޑެ ލަޔަންއަށް އަރުވައިފިއެވެ.
ސަފީރު ޤީލާ ޢަލީ ފަތްކޮޅު އެރުވުމުގެ ރަސްމިއްޔާތު ބާއްވާފައިވަނީ ބްރަސަލްސްގައި ހުންނަ ޔޫރަޕިއަން ކޮމިޝަން އޮފީސް، ބާލެމޮންޓް ބިލްޑިންގައި ބޭއްވި ރަސްމިއްޔާތެއްގައެވެ. ފަތްކޮޅުއެރުވުމަށްފަހު، ސަފީރު ޤީލާ ވަނީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ފަރާތްޕުޅުން އުރްސުލާ ވޮން ޑެ ލަޔަންއަށް ހެޔޮއެދުންތައް އަރިސްކޮށްދެއްވާފައެވެ.
Ambassador of Maldives to the European Union, Geela Ali, presents her Letters of Credence to the President of the European Commission, Ursula von der Leyen
📃 Press Release | https://t.co/0qx8lV5WJR pic.twitter.com/s5vBtcyAxO
— Ministry of Foreign Affairs 🇲🇻 (@MoFAmv) May 20, 2025
މިބައްދަލުވުމުގައި ރާއްޖެ އާއި އީޔޫއާއި ދެމެދު އޮންނަ ގާތް ގުޅުން ބަދަހިކުރުމަށް ރާއްޖެއިން މަސައްކަތް ކުރާނެކަމުގެ ޔަގީންކަން ސަފީރު ޤީލާ ވަނީ އަރުވާފައެވެ. އަދި މިގުޅުން އިތުރަށް ވަރުގަދަކޮށް އީޔޫ ކޮމިޝަނާއި ގުޅިގެން މަސައްކަތް ކުރުމުގެ ޝައުޤުވެރިިކަން ސަފީރު ވަނީ ފާޅުކުރައްވާފައެވެ.
މިބައްދަލުވުމުގައި އީޔޫ ކޮމިޝަންގެ ރައީސް ވަނީ ޤީލާއަށް މަރުހަބާ ވިދާޅުވެފައެވެ، އަދި ސަފީރު މިދައުރުގެ ތެރޭގައި ދެޤައުމުގެ ގުޅުން އިތުރަށް ބަދަހިވެގެންދާނެ ކަމަށް އުއްމީދުކުރައްވާ ކަމަށް ވިދާޅުވިއެވެ.
ކިޔުންތެރިންގެ ހިޔާލު