އައިޖީއެމްއެޗްގެ އެންއައިސީޔޫ އިން ނުރައްކާތެރި ބެކްޓީރިއާއެއް ފެނިއްޖެއެވެ.
އައިޖީއެމްއެޗުން އެކްސްގައި މިއަދު ކުރި ޕޯސްޓެއްގައި ބުނީ އެ ހޮސްޕިޓަލުގެ އެންއައިސީޔޫ އިން ފެނިފައިވަނީ މަލްޓި ޑްރަގް ރެސިސްޓެންޓް އޯގަނިޒަމްސް (އެމްޑީއާރުއޯ) ކިޔާ ބެކްޓީރިއާއެއް ކަމަށެވެ.
އެ ބެކްޓީރިއާއަކީ ބަލި މީހުންނަށް ފަރުވާދޭ ތަންތަނުގައި ބައެއް ފަހަރު އުފަންވާ ބެކްޓީރިއާއެއް ކަމަށާއި އެއީ އާންމު އެންޓި ބަޔޮޓިކަށް ނުގުޑާ ނުރައްކާތެރި އިންފެކްޝަނަަކަށް މަގުފަހިވާ ބެކްޓީރިއާއެއް ކަމަށް އައިޖީއެމްއެޗުން ބުންޏެވެ.
އައިޖީއެމްއެޗުން ބުނީ އެ ބެކްޓީރިއާ ދެނެގަނެވުމާއެކު، އިތުރަށް ފެތުރުނަ ނުދިނުމަށް ވަރުގަދަ ފިޔަވަޅުތަކެއް އަޅާފައިވާ ކަމަށާއި އެ ބެކްޓީރިއާގެ ސަބަބުން އެއްވެސް ކުއްޖެއް އަދި ސިއްހީ ފަރުވާދޭ މީހަކު ބަލިވެފައިނުވާ ކަމަށެވެ.
އެކަމާ ގުޅޭ އިތުރު މައުލޫމާތު ފަހުން އާންމު ކުރާނެ ކަމަށް އައިޖީއެމްއެޗުން ބުންޏެވެ.
ކިޔުންތެރިންގެ ހިޔާލު