ހާއްވާ ޔުމްނާ ރަޝީދުގެ ހާދިސާއާ ގުޅިގެން އުފައްދާފައިވާ ރިޔާސީ ކޮމިޝަނުން މިއަދު ބޭއްވި ނޫސްވެރިންގެ ބައްދަލުވުމުގައި، ފުލުހުންގެ ޕްރެސް ކޮންފަރެންސްގައި “މިނިސްޓަރު އަމީން ގުޅާކަމަށް” ބުނާ އަޑު އިވޭކަމަށް ބުނެ ސޯޝަލް މީޑިއާގައި ފެތުރެމުންދާ ވީޑިއޯގެ މައްސަލަ ބަލާނެކަމަށް އިޢުލާނުކޮށްފިއެވެ.
ކޮމިޝަންގެ ރައީސް ޑރ. މުޙައްމަދު މުނައްވަރު ވިދާޅުވީ، މި މައްސަލައިގައި އެންމެ ފުރަތަމަ ބަލާނީ ކަމާބެހޭ މުއައްސަސާތަކުގެ އިހުމާލެއް އޮތްތޯ ކަމަށާއި، ޒަމާނީ ޓެކްނޮލޮޖީގެ އެހީގައި މި މަސައްކަތް އަވަހަށް ނިންމާލެވޭނެ ކަމަށެވެ. އަދި މި ތަޙުޤީޤަކީ ވަކި މުއައްސަސާއަކާ ދެކޮޅަށް ކުރެވޭ ކަމެއް ނޫންކަން އޭނާ ފާހަގަާހަގަކުރެއްވިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މި ކޮމިޝަން އުފެއްދެވީ މިދިޔަ އާދީއްތަ ދުވަހުއެވެ. އިއްޔެ ކޮމިޝަނަށް ބަދަލު ގެނެސް، މިހާރު ކޮމިޝަންގައި ހިމެނެނީ ޑރ. މުޙައްމަދު މުނައްވަރު، ބްރިގޭޑިއަރ ޖެނެރަލް (ރިޓަޔަރޑް) އަޙްމަދު މުޙައްމަދު، ޑރ. މޫސާ މުރާދު، ޖަބީން މުޙައްމަދު އަދި އާމިނަތު އީނާސްއެވެ.
ކޮމިޝަނުން އަންނަ ދުވަހު ބާއްވާ ނޫސްވެރިންގެ ބައްދަލުވުމުގައި ހުރިހާ މެންބަރުން ބައިވެރިވެ، ތަޙުޤީޤު ކުރިއަށްދާ ގޮތުގެ މަޢުލޫމާތު ހިއްސާކުރުމަށް ވަނީ ހަމަޖެހިފައެވެ.
ކިޔުންތެރިންގެ ހިޔާލު