ރަށްރަށުގައި ފެނާއި ނަރުދަމާ ނިޒާމުގެ މަސައްކަތް ކުރިއަށް ގެންދިއުމުގެ ގާބިލުކަން ފެނަކަ އާއި އެމްޑަބްލިއުޔުސްސީގައި އެބަހުރި ކަަމަށް ހައުސިން މިނިސްޓަރު އަބްދުﷲ މުއްތަލިބު ވިދާޅުވެއްޖެއެވެ.
ރަށްރަށުގެ ފެނާއި ނަރުދަމާ ނިޒާމުގެ މަސައްކަތްތައް ކުރިއަށްނުދާ މައްސަލައާ ގުޅިގެން މަޖިލީހުގެ ޖަލްސާގައި މެންބަރުން ކުރެއްވި ސުވާލުތަަކަށް ޖަވާބުދެއްވަމުން މިނިސްޓަރު ވިދާޅުވީ، އަމިއްލަ ކުންފުނިތަކާ ހަވާލުކޮށްފައިވާ ފެނާއި ނަރުދަމާގެ މަސައްކަތްތަކުގެ ތެރެއިން ކުރިއަށްނުދާ މަސައްކަތްތައް އެ ފަރާތްތަކުން ވަކިކޮށް ފެނަކަ އާއި އެމްޑަބްލިޔުއެސްސީއާ ހަވާލު ކުރަމުންދާ ކަމަށެވެ.
