ހުޅުމާލެ ފޭސް ދޭއްގައި ހުންނަ ހިޔާ 13 ވަނަ ޓަވަރު (H13)ން މިއަދު ހެނދުނު ކަރަންޓް ކެެނޑިދާނެ ކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ)އިން ވިދާޅުވެއްޖެއެވެ.
ސްޓެލްކޯއިން މިހެން ވިދާޅުވެފައިވަނީ ރޭ އެކްސްގައި ކޮށްފައިވާ ޕޯސްޓެއްގައެވެ.
އެ ޕޯސްޓްގައި އެކުންފުނިން ވިދާޅުވީ ހުޅުމާލޭގެ ދެވަނަ ފިޔަވަހީގެ ހިޔާ ޓަވަރުތަކުގައި އެ ކުންފުނިން ކުރަންޖެހޭ މުހިންމު މަސައްކަތްތައް ބަހާލައިގެން ކުުރުމަށް ތާވަލުކުރެވިފައިވާއިރު، ހިޔާގެ 13ވަނަ ޓަވަރުގައި މި މަސައްކަތް ކުރުމަށްޓަކައި 27 އެޕްރީލް 2025 ވާ އާދީއްތަ ދުވަހު (މިއަަދު)ގެ ހެނދުނު 9:00 އިން ހަވީރު 17:00 އާ ދެމެދު، އެ ޓަވަރުން ކަރަންޓުގެ ހިދުމަތް މެދުކެނޑުމަކީ އެކަށީގެންވާ ކަމެއް ކަމަށް ސްޓެލްކޯއިން ވަނީ ވިދާޅުވެފައެވެ.
ސްޓެލްކޯއިން ވިދާޅުވީ މި މުހިންމު މަސައްކަތް ކުރުމަށް އެ ޓަވަރުގެ ކޮންމެ އެޕާޓްމަންޓަކުންވެސް ގާތްގަނޑަކަށް 30 މިނެޓަށް ކަރަންޓް ދާނެކަމަށެވެ. އަދި އެކުންފުނިން ވަނީ މިކަމާ ގުޅިގެން ދިމާވެދާނެ ދަތިތަކަށް މާފަށްވެސް އެދެވަޑައިގެންފައެވެ.
ސްޓެލްކޯއިން ދެމުންދާ ކަރަންޓުގެ ހިދުމަތް ރަނގަޅުކޮށް ކެޕޭސިޓީ އިތުރުކުރުމަށް ގިނަ މަސައްކަތްތަކެއް ކެނޑިނޭޅި އެކުންފުނިން ދަނީ ކުރަމުންނެވެ. އަދި މި މަސައްކަތަކީ އެ ކުންފުނީގެ ހިދުމަތް މެދުނުކެނޑި، އެންމެ ފުރިހަމަ ގޮތުގައި ކަސްޓަމަރުންނަށް ފޯރުކޮށްދިނުމަިނުމަށްޓަކައި ކުރެވޭ މުހިންމު މަސައްކަތްތަކެއް ކަމަށް ސްޓެލްކޯއިން ވިދާޅުވެފައިވެއެވެ.
