ދަނޑުވެރިކަމާއި ދިރޭތަކެއްޗާއިބެހޭ ވަޒީރު، ޑރ. މަރްޔަމް މާރިޔާ އދ. މާމިގިއްޔަށް ވަޑައިނަވައިގެން އެަރަށު ކައުންސިލާއި ބައްދަލުކުރައްވައިފިއެވެ.
އެކަމަނާ ގެ މި ދަތުރުފުޅަކީ ދިވެހިރާއްޖޭގެ ރުއް އާލާ ކުރުމުގެ ޤައުމީ ޕްރޮގްރާމަށް ރުކުގެ ނާސަރީތައް ޤާއިމުކުރުމަށާއި، ރިސާރޗްތައް ހެދުމަށާއި ފުޑްސެކިއުރިޓީ އަށް ބޭނުންވާ ގަސްގަހާގެހި އާލާކުރުމަށް އދ. އަރިޔަދޫ މިވުޒާރާއަށް ސަރުކާރުން ކަނޑައެޅުމާއި ގުޅިގެން އެރަށުގައި މަސައްކަތްތައް ފެއްޓުމަށްޓަކައި ރަށުގެ ހާލަތުބަލައި އެސްސެސްކުރުމަށް، މި ވުޒާރާގެ ސީނިއަރ ޓީމަކާއިއެކު ކުރައްވާ ދަތުރުފުޅެކެވެ.
މާމިގިލީ ކައުންސިލާއިއެކު ބޭއްވި ބައްދަލުވުމުގައި އަރިޔަދޫ ތަރައްޤީ ކުރުމުގެ މަސައްކަތް ކުރަމުންދާއިރު މާމިގިލީ ކައުންސިލުގެ ފަރާތުން ލިބޭނެ އެހީތެރިކަމާއި ގުޅޭގޮތުންނާއި، ގުޅުގެން ކުރެވިދާނެ ކަންތައްތަކާއި ގުޅޭގޮތުން ވަނީ މަޝްވަރާކުރައްވާފައެވެ.
ވަޒީރުގެ މި ދަތުރުފުޅުގައި އަރިޔަދޫއަށް ވަޑަިއގަތުމުގެ އިތުރުން އދ. ދިގުރަށަށް ޒިޔާރަތް ކުރައްވާ، އެރަށުގެ ކައުންސިލާއި ބައްދަލުކުރެއްވުމުގެ އިތުރުން އެރަށުގެ ދަނޑުތަކަށް ޒިޔާރަތް ކުރައްވާގޮތަށްވެސް ވަނީ ހަމަޖެހިފައެވެ.
