ސެންޓްރަލް ޖަލުގެ މަސައްކަތް ނިމި، ހުރިހާ ޖަލެއް އެތަނަށް ބަދަލުވަންދެން ހުޅުމާލޭ ޖަލާ އިންވެގެން އޮތް ބިން ކަރެކްޝަނަލް ސާވިސްއަށް ދޭން ނިންމައިފިއެވެ.
ހޯމްލޭންޑް މިނިސްޓަރު އަލީ އިހުސާން އެކްސްގައި މިރޭ ކުރެއްވި ޕޯސްޓެއްގައި ވިދާޅުވީ، ސެންޓްރަލް ޖަލު އަޅައި ނިމި ހުރިހާ ޖަލެއް އެތަނަށް ބަދަލުވަންދެން ހުޅުމާލޭ ޖަލާ އިންވެގެން އޮތް ބިން ކަރެކްޝަނަލް ސާވިސްގެ ބޭނުމަށް ބޭނުންކުރަމުން ދިއުމަށް މާލެ ސިޓީ ކައުންސިލާއި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އަދި ކަރެކްޝަންސްއާއެކު މަޝްވަރާކުރެވި އެއްބަސްވެފައިވާ ކަމަށެވެ.
ރައީސް ޑރ. މުހައްމަދު މުއިއްޒުގެ ވިސްްނުންފުޅަކީ ޖަލުތަކަށް ކުރެވޭ ހަރަދު ކުޑަކުރުމާއެކު ދެވޭ ހިދުމަތުގެ ފެންވަރު މަތިކޮށް މައްސަލައަށް ދާއިމީ ހައްލެއް ގެނައުން ކަމަށް މިނިސްޓަރު ވިދާޅުވިއެވެ.
ރާއްޖޭގައި ހުރި ވަކިވަކި ޖަލުތަކުގެ ބަދަލުގައި ސެންޓްރަލް އެއް ޖަލަކަށް ބަދަލުކުރަން ނިންމައި، އެ ޖަލު ހެދުމަށް ނިންމާފައިވަނީ އުތުރުތިލަފަޅުގައެވެ. އެއީ 3000 މީހުންގެ ޖާގައިގެ ޖަލެކެވެ.
ކިޔުންތެރިންގެ ހިޔާލު