ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ޑިރެކްޓަރުންގެ ބޯޑަށް މިއަދު ބޭފުޅަކު އައްޔަންކޮށްފިއެވެ.
މިގޮތުން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ހާމަކުރި ގޮތުގައި އެޗްޑީސީގެ ބޯޑަށް މިއަދު އައްޔަންކުރެވިފައިވަނީ މ. ބްލޫނައިލް، އިބްރާހިމް ޠަޢާމު މުޙައްމަދެވެ.
މިކަން ހާމަކޮށްފައިވަނީ ޕީސީބީން މިއަދު އެކްސްގައި ކުރި ޕޯސްޓެއްގައެވެ.
އިބްރާހިމް ޠަޢާމު މުޙައްމަދަކީ މިނިސްޓަރ އޮފް ސްޓޭޓް ފޮރ ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރގެ މަޤާމުގައި ހުންނެވި ބޭފުޅެކެވެ.
އެޗްޑީސީގެ ބޯޑުން މަގާމެއް ހުސްވީ އެ ކުންފުނީގެ ޑިރެކްޓަރެއްގެ ގޮތުގައި ހުންނެވި މުހައްމަދު ވަހީދު އެ މަގާމުން ވަކިކުރުމުންނެވެ.
