ހުޅުމާލޭ ފޭސް 1 ގައި ހުންނަ ކެފޭއެއްގައި ހިނގި މާރާމާރީއަކާ ގުޅިގެން ބިދޭސީއެއް ހައްޔަރުކުރެވިއްޖެއެވެ.

ދިވެހި ފުލުހުންގެ ޚިދުމަތުން މަޢުލޫމާތު ދެއްވިގޮތުގައި، މި މާރާމާރީ ހިނގާފައިވަނީ ނޭޕާލް އަދި ބަންގްލަދޭޝްގެ ދެ ފިރިހެނުންގެ މެދުގައެވެ. މި ހާދިސާ ފުލުހުންނަށް ރިޕޯޓުކުރެވިފައިވަނީ ރޭ 22:08 ގައެވެ.

ފުލުހުންގެ ބަޔާނުގައި ވިދާޅުވެފައިވާ ގޮތުގައި، މި މާރާމާރީގައި ބަންގްލަދޭޝްގެ ރައްޔިތާއަށް އަނިޔާވެފައިވީ ނަމަވެސް، އެއީ ސީރިއަސް އަނިޔާތަކެއް ނޫނެވެ. މި ހާދިސާއާ ގުޅިގެން ނޭޕާލްގެ ރައްޔިތާ ވަނީ ހައްޔަރުކުރެވިފައެވެ.

މި މައްސަލައިގެ ތަޙުޤީޤު ފުލުހުން ދަނީ ކުރިއަށް ގެންދަވަމުންނެވެ.