އެމަނިކުފާނުގެ ރަސްމީ އެކްސް އެކައުންޓުގައި ކުރެއްވި ޕޯސްޓެއްގައި ވިދާޅުވެފައިވަނީ، މިނިސްޓްރީ އޮފް ހައުސިންގ، ލޭންޑް އެންޑް އިންފްރާސްޓްރަކްޗަރއިން އެމްޑަބްލިއުއެސްސީއާ ހަވާލުކޮށްގެން ކުރިއަށްގެންދާ މި މަޝްރޫޢުގެ ތަންފީޒީ މަސައްކަތް މިހާރު ދަނީ ކުރިއަށް ކަމަށެވެ.
މިގޮތުން، މިހާރު ކުރިއަށްދާ މުހިންމު މަސައްކަތްތަކުގެ ތެރޭގައި ހިމެނެނީ:
1. ށ. ނޫމަރާ: އާރު.އޯ ބިލްޑިންގގެ ސައިޓް ސާފުކުރުމުގެ މަސައްކަތް ފެށުމާއެކު، ގޭގެއަށް ޚިދުމަތް ގުޅުމަށް ކުރަންޖެހޭ ސަރވޭގެ މަސައްކަތް ޝެޑިއުލްކުރެވިފައިވުން.
2. ށ. ބިލެތްފަހި: އާރު.އޯ ބިލްޑިންގ ސައިޓް ސާފުކުރުމުގެ މަސައްކަތް ފެށިފައިވުން.
3. ނ. މިލަދޫ: އާރު.އޯ ބިލްޑިންގގެ އެތެރޭގެ މަސައްކަތާއި ފެންމީޓަރތައް އެސެމްބްލްކުރުމުގެ މަސައްކަތް ފެށިފައިވުން.
4. ނ. މަގޫދޫ: ގޭގެއަށް ޚިދުމަތް ގުޅުމަށް ކުރަންޖެހޭ ސަރވޭގެ މަސައްކަތާއި، ފެންމީޓަރތައް ގޭގެއަށް ގުޅުމުގެ މަސައްކަތް، އަދި އާރު.އޯ ބިލްޑިންގ ސައިޓް ސާފުކުރުމުގެ މަސައްކަތް ފެށިފައިވުން.
5. ބ. ކުޑަރިކިލު: އާރު.އޯ ބިލްޑިންގގެ މަސައްކަތް ފެށުމަށް ކުރަންޖެހޭ ތައްޔާރީތައް ފެށިފައިވުން.
6. އދ. ފެންފުށި: އާރު.އޯ ބިލްޑިންގ ސައިޓް ސާފުކުރުމުގެ މަސައްކަތް ފެށިފައިވުން.
7. މ. ރަތްމަންދޫ: ގޭގެއަށް ޚިދުމަތް ގުޅުމަށް ކުރަންޖެހޭ މަސައްކަތްތަކާއެކު، އާރު.އޯ ބިލްޑިންގ ސައިޓް ސާފުކުރުމުގެ މަސައްކަތް ފެށިފައިވުން.
8. ތ. ދިޔަމިގިލި: އާރު.އޯ ބިލްޑިންގ ސައިޓް ސާފުކުރުމުގެ މަސައްކަތް ފެށިފައިވުން.
9. ތ. މަޑިފުށި: އާރު.އޯ ބިލްޑިންގ ސައިޓް ސާފުކުރުމުގެ މަސައްކަތް ފެށިފައިވުން.
ފެނާއި ނަރުދަމާގެ މައްސަލައަކީ ދިވެހިރާއްޖޭގައި ދިމާވެފައިވާ އެންމެ ބޮޑެތި ގޮންޖެހުންތަކުގެ ތެރެއިން އެއް ގޮންޖެހުމެވެ. މި މައްސަލައަށް ދެމެހެއްޓެނިވި ހައްލެއް ހޯދުމަށްޓަކައި ސަރުކާރުން ދަނީ މަސައްކަތްތަކެއް ކުރަމުންނެވެ. މި މަޝްރޫޢުތަކުގެ ސަބަބުން، ރަށްރަށުގެ ރައްޔިތުންނަށް ސާފު ބޯފެނާއި ރައްކާތެރި ނަރުދަމާގެ ޚިދުމަތް ލިބި، އެ ރަށްރަށުގެ ދިރިއުޅުމުގެ ފެންވަރު މަތިވެގެންދާނެ ކަމަށް އުންމީދު ކުރެވެއެވެ.
ކިޔުންތެރިންގެ ހިޔާލު