އަލިފާން ރޯވި ބޯޓުން ގެއްލުނު މީހާ ހޯދުމަށް ޑްރޯންގެ ބޭނުންކުރަން ފަށައިފިއެވެ.
އެމްއެންޑީއެފުން ރޭ ބުނެފައިވަނީ “ހޮޅުދޫ ބޯޓް” އިން ދަތުރުކުރަމުންދިޔަ 18 މީހުންގެ ތެރެއިން 17 މީހުން ސަލާމަތްކޮށްފައިވާ ކަމަށާއި އެކަކު ހޯދުމުގެ މަސައްކަތްކުރަމުންދާ ކަމަށެވެ. އަދި ގެއްލިގެން ހޯދަމުންދަނީ ލ. މާވަށު، އަލީ މުޝްފިގް (25އ) ކަމަށް އެމްއެންޑީއެފުން ބުންޏެވެ.
އެމްއެންޑީއެފުން މިއަދު ބުނީ ކޯސްޓްގާޑް ޝިޕް ޢާޒީ، އެފްއައިސީ މާފަތް، އެޗްޕީ 114، ޑައިވަރުންނާއި އެއާ ކޯގެ ޑްރޯން އަދި އެމްއެންޑީއެފް ސެންޓްރަލް އޭރިއާ ކޮމާންޑްގެ ސިފައިން ގުޅިގެން ކަނޑުމަތިންނާއި ޑައިވްކޮށްގެން އަދި ވައިގެ މަގުން މުޝްފިގު ހޯދުމުގެ މަސައްކަތްކުރަމުން އަންނަ ކަމަށެވެ.
އެ ބޯޓުގައި ރޯވެފައިވަނީ ތ. އަތޮޅުން މުދާ ބަރުކޮށްގެން މާލެ ދަތުރުކުރަމުންދަނިކޮށެވެ. ނަމަވެސް އަލިފާން ރޯވާން މެދުވެރިވި ސަބަބެއް މިހާތަނަށް ކަށަވަރުކުރެވިފައެއް ނުވެއެވެ.
ކިޔުންތެރިންގެ ހިޔާލު