ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ދެއްވި މަޢުލޫމާތުގައިވާ ގޮތުން، މާލެ އަދި ހުޅުމާލޭގައި ބުރާސްފަތި ދުވަހު ޕީކް ގަޑިތަކުގައި ކަރަންޓު ބޭނުންކުރެވުނު މިންވަރު، ކުރީ ދުވަހާ އަޅާބަލާއިރު ގާތްގަނޑަކަށް އެއްހަމައެއްގައި ދެމެހެއްޓިފައިވާކަން ފާހަގަކުރެވެއެވެ. މި މަޢުލޫމާތު ސްޓެލްކޯއިން ވަނީ އިޖުތިމާޢީ ވިއުގަ އެކްސްގައި ޙިއްޞާކުރައްވާފައެވެ.
މާލެއާއި، ހުޅުމާލޭގައި ބުރާސްފަތި ދުވަހު ޕީކް ގަޑިތަކުގައި ކަރަންޓު ބޭނުންކުރެވުނު މިންވަރުވަނީ ބުދަ ދުވަހާ އަޅާބަލާއިރު ގާތްގަނޑަކަށް އެެއްހަމައެއްގައި ހިފެހެއްޓިފައި. އެގޮތުން ބުރާސްފަތި ދުވަހު އެންމެ ޕީކް ގަޑީގައިވެސް 104 މެގަވޮޓަށްވުރެ ގިނައިން ވަނީ ކަރަންޓު… pic.twitter.com/IDGTV1ZOvM
— STELCO (@STELCOMALDIVES) March 28, 2025
އިތުރު ތަފްޞީލު ދެއްވަމުން ސްޓެލްކޯއިން ވިދާޅުވެފައިވަނީ، ބުރާސްފަތި ދުވަހުގެ އެންމެ ޕީކް ގަޑީގައިވެސް ކަރަންޓު ބޭނުންކުރެވުނު މިންވަރު 104 މެގަވޮޓަށްވުރެ މަތިވެފައިވާ ކަމަށެވެ.
ޢާންމުގޮތެއްގައި ހޫނު މޫސުމުގައި އަދި ޚާއްޞަކޮށް ރަމަޟާން މަހު ކަރަންޓު ބޭނުންކުރާ މިންވަރު އިތުރުވެ، ކަރަންޓު ބިލުތައް ބޮޑުވުމާ ގުޅިގެން ރައްޔިތުންގެ ޝަކުވާތައް އިތުރުވެއެވެ. މި ކަމަށް ޙައްލެއް ހޯދުމުގެ ގޮތުން، މި އަހަރުގެ ރަމަޟާން މަހުގެ ކަރަންޓު އަދި ފެން ބިލުތަކުން ޑިސްކައުންޓެއް ދެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ނިންމަވާފައެވެ.
މި ނިންމެވުމާ އެއްގޮތަށް، ކޮންމެ ގޭބީސީއަކަށްވެސް މި ރަމަޟާން މަހު ކަރަންޓު ބިލުން މަދުވެގެން 10 އިންސައްތައިގެ ޑިސްކައުންޓެއް ދެއްވާނެ ކަމަށް ސްޓެލްކޯއިން ވަނީ އިޢުލާނުކުރައްވާފައެވެ.
ކިޔުންތެރިންގެ ހިޔާލު