ގިނަ އަދަދެއްގެ ސިނގިރޭޓު ރާއްޖެއިން ބޭރުކުރަން އުޅުނު ދެ މީހަކު ހައްޔަރުކުރުމުން، ކޯޓުން އެމީހުން ދޫކޮށްލައިފިއެވެ.
ފުލުހުން މިއަދު ބުނީ އިއްޔެ ހެނދުނު 6:20 ހާއިރު ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ ޑިޕާޗާ ހޯލުން ހުއްދަނެތި ގިނަ އަދަދެއްގެ ޑިއުޓީފްރީ ސިނގިރޭޓު ރާއްޖެއިން ބޭރުކުރަން މަސައްކަތްކޮށްފައިވާ މައްސަލައެއް މޯލްޑިވްސް ކަސްޓަމްސް ސާވިސް އިން ރޭ ހުށަހަޅާފައިވާ ކަމަށެވެ.
އެ މައްސަލައިގެ ތުހުމަތުގައި ދެ މީހަކު ކޯޓު އަމުރެއްގެ ދަށުން ރޭ ހައްޔަރުކޮށް، މިއަދު ކޯޓަށް ހާޒިރުކުރުމުން ޝަރުތުތަކަކާއެކު އެ ދެ މީހުން ދޫކޮށްލާފައިވާ ކަމަށް ފުލުހުން ބުންޏެވެ.
އެ މައްސަލައިގައި ހައްޔަރުކޮށްފައިވަނީ މ. ސިލްވާނެސްޓް، އަހުމަދު އަފްސަލް (45އ) އާއި ދަފްތަރު ނަމްބަރު 14358، ޔޫސުފް ނަޒީރު (38އ) އެވެ.
އެ މައްސަލަ ފުލުހުން ދަނީ ތަހުގީގުކުރަމުންނެވެ.
ކިޔުންތެރިންގެ ހިޔާލު