ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ހުޅުމާލޭގައި އަލަށް ޤާއިމުކުރި “ހުޅުމާލެ އެނެކްސް 2” އިންޖީނުގެ ރަސްމީކޮށް ހުޅުވާލައިފިއެވެ. މި އިންޖީނުގެ ހުޅުވާލެވުނީ ކުރިއަށް އޮތް ޕީކް ސީޒަނަށް ތައްޔާރުވުމުގެ ގޮތުން، ކަރަންޓުގެ ބޭނުން އިތުރުވާނެކަމަށް ލަފާކުރެވޭތީއެވެ.

މި އިންޖީނުގެއާ ގުޅޭ އިތުރު މަޢުލޫމާތު:

• އިންޖީނުގެ ޤާއިމުކުރެވިފައިވަނީ 48,000 އަކަފޫޓުގެ ސަރަޙައްދެއްގައެވެ.
• މުޅި އިންޖީނުގޭގައި ޖުމުލަ 1.6 މެގަވޮޓުގެ 12 ޖަނަރޭޓަރު ސެޓު ބެހެއްޓުމަށް ވަނީ ރޭވިފައެވެ.
• މިހާތަނަށް 7 ޖަނަރޭޓަރު ސެޓު ވަނީ ކޮމިޝަން ކުރެވި، ބޭނުންކުރަން ފަށާފައެވެ.
• ބާކީ 5 ޖަނަރޭޓަރު ސެޓު ރަމަޟާން މަސް ނިމުމުގެ ކުރިން ކޮމިޝަން ކުރުމަށް ވަނީ ހަމަޖެހިފައެވެ.
• މި މަޝްރޫޢު ފުރިހަމަވުމުން، ހުޅުމާލޭ އެނެކުސް2 އިންސްޓޯލްޑް ކެޕޭސިޓީ 19.2 މެގަވޮޓަށް އަރާނެއެވެ.

ސްޓެލްކޯގެ މެނޭޖިންގ ޑިރެކްޓަރ ޙުސެއިން ފަހުމީ ވިދާޅުވިގޮތުގައި، މި އިންޖީނުގެ ތަރައްޤީކުރެވުނީ އެންމެ 10 ދުވަހުގެ ތެރޭގައި، ސްޓެލްކޯގެ މުވައްޒަފުންގެ ބުރަ މަސައްކަތުންނެވެ. އަދި މިއަހަރުގެ ޕީކް ސީޒަންގައި ކަރަންޓު އޯވަރލޯޑްވެގެން ކެނޑޭނެކަމަށް ނުބެލެވުނު ނަމަވެސް، ޓެކްނިކަލް މައްސަލަތަކާ ގުޅިގެން ކަރަންޓު ކެނޑުމުގެ ފުރުސަތު އޮތްކަމަށް ސްޓެލްކޯއިން ފާހަގަކުރައްވައެވެ.