ރަމަޟާން މަހުގެ ފަހު 15 ދުވަހުގައި ޙައްޖު ކޯޕަރޭޝަނުގެ އިންތިޒާމުގެ ދަށުން ޢުމްރާގެ އަޅުކަން އަދާކުރުމަށް ދަތުރުކުރާ ޢުމްރާވެރިން ސަޢުދީ ޢަރަބިއްޔާއަށް ވަނީ ފުރައިފައެވެ.
މި ދަތުރުގައި ޖުމްލަ 357 ޢުމްރާވެރިން ބައިވެރިވެއެވެ. މީގެ އިތުރުން، ރަމަޟާން މަހުގެ ކުރީކޮޅު ޢުމްރާގެ އަޅުކަން އަދާކުރުމަށް ފުރި 220 ޢުމްރާވެރިން މިހާރުވެސް ސަޢުދީ ޢަރަބިއްޔާގައި ތިބިކަން ފާހަގަކުރެވެއެވެ.
ޢުމްރާވެރިންގެ ދަތުރު ފެށޭނީ މާލެއިން ޖިއްދާއަށް ކުރާ 5 ގަޑިއިރުގެ ވައިގެ ދަތުރަކުންނެވެ. އޭގެފަހުން، ޖިއްދާ އެއަރޕޯޓުން މައްކާގައި ހުންނަ ހޮޓަލަށް ދިއުމަށް 2 ގަޑިއިރުގެ އެއްގަމު ދަތުރެއް ކުރާނެއެވެ.
ޢުމްރާވެރިން އެންމެ ފުރަތަމަ ޢުމްރާ އަދާކުރާނީ މިއަދުއެވެ. މި ދަތުރުގައި ކޮންމެ ޢުމްރާވެރިއަކަށްވެސް މަދުވެގެން 3 ޢުމްރާ އަދާކުދާކުރުމުގެ ފުރުޞަތު ލިބިގެންދާނެއެވެ.
ޙައްޖު ކޯޕަރޭޝަނުން ވަނީ ޢުމްރާވެރިންނަށް ބޭނުންވާ އެންމެހައި އިންތިޒާމުތައް ފުރިހަމައަށް ހަމަޖައްސާފައެވެ.
