އެމްޑީޕީ ސަރުކާރުން ނެގި 100 މިލިއަން ޑޮލަރުގެ ލޯނެއް، 26 މިލިއަން ޑޮލަރުގެ އިންޓްރެސްޓާއެކު ރައީސް ޑރ. މުހައްމަދު މުއިއްޒުގެ ސަރުކާރުން ދައްކައިފިއެވެ.
އެއީ އެމެރިކާގެ، ދަރަންޏަށް ފައިސާ ދޫކުރާ އޭޖެންސީއެއް ކަމަށްވާ ކާގިލް ފައިނޭންޝަލް ސާވިސް އިންޓަނޭޝަނަލްއިން ނަގައިފައިވާ ލޯނެކެވެ. އެ ލޯނު ދައްކައި ޚަލާސްކުރީ މިއަދުއެވެ.
އެއީ ބަޖެޓު ސަޕޯޓަށާއި ވިޔަފާރިއާއި ފަތުރުވެރިކަމާ ގުޅޭ މަޝްރޫއުތަކާ ގުޅިގެން މާޗު 24، 2022ގައި ނެގި ލޯނެކެވެ.
އެ ލޯނުގެ އިންޓްރެސްޓް ރޭޓަކީ 7.15 ޕަސެންޓު ކަމަށްވާއިރު ލޯނު އަނބުރާ ދައްކަން އޮތީ މި މަހުގެ 24 ވަނަ ދުވަހަށެވެ.
ރާއްޖޭގެ އިގްތިޞާދީ ހާލަތު ދަށްވެ ލޯނު ނުދެއްކޭ ފަދަ ހާލަތަކަށް ރާއްޖެ ގޮސްދާނެ ކަމަށް އެކި ފަރާތްތަކުން ބުނިނަމަވެސް، އެއީ ހަގީގަތެއް ނޫންކަން ރައީސް މުއިއްޒު ގެންދަވަނީ ސާބިތުކޮށްދެެއްވަމުންނެވެ.
ކިޔުންތެރިންގެ ހިޔާލު