ޖެންޑާ މިނިސްޓްރީން މިއަދު ނެރުނު އިޢުލާނެއްގައި ބުނެފައިވާ ގޮތުން، 2024 ވަނަ އަހަރުގެ ރެހެންދި އެވޯޑަށް ނަން ހުށަހެޅުމުގެ ފުރުސަތު ވަނީ ހުޅުވާލައިފައެވެ. މި އެވޯޑަކީ ރާއްޖޭގެ ޤައުމީ ތަރައްޤީއަށާއި މުޖުތަމަޢު ބިނާކުރުމަށް އަންހެނުން އަދާކުރާ ދައުރު ފާހަގަކޮށް، އަންހެނުންގެ ޙައްޤުތައް ރައްކާތެރިކުރުމަށް ކުރެވޭ މަސައްކަތްތަކުގެ އަގު ވަޒަންކުރުމުގެ ގޮތުން ކޮންމެ އަހަރަކު ދެވޭ ޤައުމީ ފެންވަރުގެ އެވޯޑެކެވެ.
މިނިސްޓްރީގެ އިޢުލާނުގައި ބަޔާންކޮށްފައިވާ ގޮތުގައި، މި އެވޯޑަށް ނަން ހުށަހެޅުމުގެ ސުންގަޑިއަކީ އަންނަ މެއި މަހުގެ 4 ވަނަ ދުވަހުގެ މެންދުރުފަހު 2:00 އެވެ. އަމިއްލަ ފަރުދުންނަށާއި، އެހެން ފަރާތްތަކަށް އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކަށާއި ޖަމްޢިއްޔާ ޖަމާޢަތްތާޢަތްތަކަށްވެސް މި އެވޯޑަށް ނަން ހުށަހެޅުމުގެ ފުރުޞަތު ވަނީ ހުޅުވާލައިފައެވެ.
ޖެންޑާ މިނިސްޓުރީއިން ވިދާޅުވީ، “ރެހެންދި އެވޯޑަކީ އަންހެނުންގެ ޙައްޤުތަކަށް މަސައްކަތްކުރާ ފަރާތްތަކުގެ އަގު ވަޒަންކުރުމަށް ދެވޭ ވަރަށް މުހިންމު އެވޯޑެއް. މިއަހަރުވެސް ގިނަ ފަރާތްތަކަކުން މި އެވޯޑަށް ނަން ހުށަހަޅާނެ ކަމަށް އަޅުގަނޑުމެން އުންމީދުކުރަން.”
ރެހެންދި އެވޯޑު ދެވެނީ އަންހެނުންގެ ޙައްޤުތަކަށް މަސައްކަތްކުރުމުގައި އިސްދައުރެއް އަދާކުރާ ވަކި ފަރުދުންނަށާއި، މުއައްސަސާތަކަށާއި، ޖަމްޢިއްޔާ ޖަމާޢަތްތަކަށެވެ. މި އެވޯޑު ދިނުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ އަންނަ އޮގަސްޓް މަހުގެ ތެރޭގައި ކަމަށް މިނިސްޓްރީން މަޢުލޫމާތު ދީފައިވެއެވެ.
